Pilit kong tinatago ang mga marka sa leeg ko, hindi ako mapakaling tinatakpan ito ng aking buhok. At halos hindi ako makatingin nang diretso sa kaniyang mga mata na maalab ang pinupukol na tingin sa akin.
“Bakit mo tinatago? Mukhang may nagmamay-ari na sa’yo, kaya kailangan ipakita mo. Baka biglang may mang-akit sa’yo at maagaw ka,” sarkastikong turan ni Dallas sa akin at binigyan pa ako nito nang mapang-insultong ngiti.
“Hindi naman siguro parte ng trabaho ko ang pumayag na insultuhin mo ang pagkatao ko. Kung iyan lang ang pupunahin mo kaya’t pinatawag mo ako p’wes aalis na lang ako at tatapusin na lang ang ginagawa kong pagpipinta---”
“Ibang-iba ka talaga sa iyong ama, siya may disiplina, may tapang, may nalalaman tungkol sa kung paano sumagot sa mas nakakataas sa kaniya ngunit ika
