Pumula ang pisngi ko sa kanyang sinabi agad na umiwas ng tingin.
“Cute,” mumunting halakhak niya.
Nadinig ko ang kanyang pagmartsa patungong harapan kaya naman pumasok na rin ako sa loob.
“Kayo ha,” hagikgik ni Amaris nang umandar na ang kotse.
“Anong mayroon, Rina?” tudyong halakhak naman sa akin ni Amaris.
Pulang-pula ang pisngi ko habang inaasar nila ako sa buong byahe.
Hindi ko naman magawang sumulyap sa salamin sa harapan dahil doon tumititig sa akin si Kai kahit na magkausap sila ni Kuya Abel.
“Hintayin ko na lamang kayo, mga hijo’t hija. Maninigarilyo na lang muna sa ako tabi.” bilin sa amin ni Kuya Abel nang hininto nito ang kotse.
“Oho, Kuya Abel.” sabay-sabay naming sagot na tatlo pwera kay Kai na tumango lamang.
Nagtama ang aming tingin sa sal
