Hindi makapaniwala si Natalia sa kanyang nakikita. Pilit siyang pumipikit saka iminumulat ang mata at ipinipilig ang kanyang ulo. Iniisip nya na sana ay panaginip nalang ang lahat ng ito. Paanong nangyari na ang Yaya nyang matagal na nyang hinahanap at hinihintay ay nandito ngayon sa kanyang harapan, nakahandusay at naliligo pa sa sariling dugo.
Halos mawala sa kanyang sarili si Natalia, muli ay bumalik sa ala ala nya ang nangyari Ate Margareth nya. Isang mahal na naman nya ang kinitlan ng buhay at sa mismong pamamahay pa nya ginawa ang naturang krimen.
"Sinong may kagagawan nito? Bakit nyo ginagawa ito sa pamilya ko? Mga hayop kayo!" Sigaw nya sa loob ng kabahayan habang humahagulhol ng pag iyak. Wala na syang pakialam kung may makakarinig sa kanya o wala. Ang gusto nya lang ay mailaba
