Tahimik ang buong condo.
Tanging ilaw mula sa TV ang nagbibigay-liwanag sa madilim na sala. Magkatabi sila sa sofa—si Lia at si Gino. Parehong nakasandal, parehong tutok sa pinapanood. May kahon ng pizza sa gitna, kalahati na lang ang natitira.
Nakabukas ang aircon kaya bahagyang malamig ang paligid, pero hindi iyon ang dahilan kung bakit may kakaibang init sa dibdib ni Lia.
Pagkatapos ng pelikula, nag-unat siya at napahikab.
"Inaantok ka na?" mahinang tanong ni Gino, hindi pa rin inaalis ang tingin sa kanya.
"Medyo…" sagot niya sabay sandalan ulit sa sofa. Maya-maya, napatingin siya rito. "Dito ka ba ulit matutulog?"
Ngumiti si Gino. "Hindi na. Uuwi na ako sa bahay."
May kung anong kirot na dumaan sa dibdib ni Lia pero hindi niya iyon pinansin.
"Gino… sorry talaga kanina."
Naalal
