Elle’s POV
Nasa backstage ako. Gumapang ang panlalamig sa aking buong katawan. Nanunuyo ang aking lalamunan kaya kinuha ko ang tumbler ko na may straw at sumipsip doon. Ramdam ko ang malamig na tubig sa akin lalamunan na kahit paano nakapatid ng matinding uhaw ko.
Kinakabahan ako habang inaayos ang gown ko, a daring red satin dress na yumayakap sa bawat kurba ng katawan ko. Kasabay nito ang mataas na slit sa kaliwa, revealing long legged legs, yet powerful. Nakaupo ako sa stool, hawak ang aking cellphone, paulit-ulit na binabasa ang pangalan ko sa lineup:
“Elle Zorilla – Finale Walk.”
Huminga ako nang malalim. Ito na. Ang araw na magtatakda kung sino na ako. Hindi ang aking nakaraan, hindi ang sakit na aking naranasan at hindi ang pag tapon sa akin na parang basura at walang halaga.
