الفصل الثاني

797 Words

وفى تلك اللحظة دق باب شقتها ، تركت هاتفها مرة واحدة والقلق يتسرب اليها ولكن اجمعت نفسها قليلا وقامت من مكانها ، ترى من اتي إليها فى ذلك الوقت ...! فتحت الباب وسرعان ما انتظمت انفاسها ، تن*دت بإرتياح وهي تقول :- -خضتيني حرام عليكي هتموتيني ناقصة عمر ...! أغلقت نادية الباب خلفها وهي تتحدث بغيظ و :- -الله ماا انا اعملك ايه ، طلعتي ومعدتيش عليا زي كل يوم فقلقت عليكي ، قولت لأمي هروح ابات مع جميلة انهاردة والصبح هنزل اجهز ونبقى نروح الجامعة مع بعض ..! زفرت جميلة فى ضيق وهى تتحدث بمرح :- -ومين قالك اني هوافق اصلا انك تباتي معايا ، وبعدين انا عايزة افهمك حاجة انا فى كلية صيدلة وانتي فى طب هنروح مع بعض ازاي ..! عقدت الأخري حاجبيها فى تهكم واضح مما تفوهت به وأردفت :- -يا بنتي والله نفس المجمع العلمي مش احنا فى جامعة اسكندرية ..؟ وضعت يديها ع وجهها وأرجعت شعرها الى الخلف وتحدثت :- -اه ..! هنا تحدثت نادية بثرثرة كثيرة ، جعلت جميلة تنهض من مكانها وهي لم تكف عن الحديث حيث قالت :- -يبقي تقعدي ساكتة ولما نروح هبقى افهمك ، وبعدين انتي صحيح مدخلتيش طب ليه مش كان حلمك ولا نسيتيه ..! أمتلئت أعين جميلة بدموع ، مسحتهم سريعا وأكملت طريقها معطيةً لنادية ظهرها وأردفت :- -كان حلمي انا وماما الله يرحمها وبعدين انتي عارفة مش هقدر ع مصاريف الكلية وكمان انا هشتغل بعد الظهر ..! خطت نادية خطوات سريعة تجاهها وتحدثت بهدوء :- -ومين قالك اني هقدر انا كمان ، بس لازم نسعي عشان نوصل يا جميلة..! ردت عليها سريعا فى محاولة منها بغلق الحديث :- -نادية الحمد لله اصلا اني جبت مجموع فى الثانوية العامة بعد موت ماما ...! -مامتك مكنتش هتفرح بفشلك ،وبعدين يا اختي ما انتي مضيعة فلوسك ع الكتب والبن البرازيلي مش كفاية بقا ورانا مذاكرة ..! أبتسمت جميلة بعفوية وهي تتذكر ما حدث هناك واحساس داخلها يخبرها بإنها ستقا**ه مرة اخرى ...! -جميلة ..يا بنتي روحتي فين ...؟ قاطعت نادية سرحانها ، ابتسمت بهدوء وقالت :- -هاا معاكي معاكي يا نادية ...! أمسكت بيديها وجذبتها إليها قائلةً :- -طب يلا تعالي اجهزلك هدومك ..! وبالفعل قاما معا وجهزا ملابس الجامعة ، بينما نادية تبحث عن المكواة وقع نظرها ع هاتف جميلة بعث برسالة ، نادت عليها وجدتها مشغولة بتسريح شعرها ، أمسكت هاتفها و بدون قصد فتحت هاتفها ، وقع نظرها ع تلك الرسالة ..! أبتسمت داخلها و نهضت من مكانها وأردفت بخبث :- -مين سيف ده يا جميلة ..؟ تن*دت جميلة بهدوء ، واخذت تقص عليها ما حدث معها الي ان عادت الي منزلها ..! تحدثت نادية بمرح بعد أن انتهت :- -حكايتك شكلها هتبتدي معاه يا ذات العيون الخضراء .؟ أبتسمت جميلة فى تهكم وأردفت :- --انتي هتعملي زيه ، بقولك ايه يلا نناااام ..! جذبتها نادية من يديها وأكملت :- _طب جاب رقمك منين ، وازاي قدر يسجل رقمه عندك ..! نظرت جميلة إليها وتحدثت بعصبية :- _والله انتي متخلفة ، ما انتي عارفة اني مش بعمل باسورد للموبايل فأكيد سجل رقمه عليه ، اما حكاية عرف رقمي منين مش عارفة ، ممكن يكون اتصل على تليفونه والرقم ظهر عنده ، بصي معرفش ويلا نقوم ننام انا اصلا عملتله حظر من المكالمات والرسايل ...! أنتهت كلاهما من حديثهما ودلفت كل منهم لتنام وتغطو فى نوم عميق ..! وفى الصباح قام بالفعل يجهزن انفسهن وذهبا معا كلا منهما فى طريقها لكليتها ...! فى جامعة الاسكندرية وتحديدا فى مكتب عميد كلية الصيدلة ..! دلف احدهم إلي مكتبه وخلع نظارته وتحدث بهدوء :- _تحت أمرك يا دكتور …! وقف رجل ذو شعر أبيض ومراحل العمر واضحة على وجهه ، وتحدث بهدوء تام :- - سيف انت هتكون مسئؤل عن الدفعة الجديدة اللى داخلة سنة اولى السنادى وهتكون معاهم طبعا فى الشرح العملى ، اول محاضرة ليك انهاردة ..! تبدلت ملامح سيف للعبوس وأردف بحدة إلي حد ما :- بس يا دكتور حضرتك عارف انى بدرس دفعة سنة تانية ...! تحدث الاخر بلهجة أمر وقال :- -عارف ده وعشان كده كلفتك بالمهمتين وانا واثق انك هتكون قدها ...! أراد سيف أن ينهي الحديث سريعا وتحدث بجمود :- - تمام يا دكتور ، اى خدمة تانية .؟ أردف الاخر وهو يشير إليه على الباب :- -اتفضل ع مكتبك واستعد للمحاضرة الاولى كمان نص ساعة ، صحيح عملت ايه فى رسالة الدكتوراه .؟ تحدث سيف سريعا وهو ينهض من المقعد :- -قدمت طلب ومنتظر الموافقة عشان ابدا ، بعد اذن حضرتك ..! خرج من مكتبه و هو يسب ويلعن ذلك العميد ، ذهب الى مكتبه الغضب مسيطرا على ملامحه ..! بعد عدة دقائق ، قام بالنظر فى ساعته يجدها العاشرة ، نهض من مكانه و خرجج من مكتبه ، أصطدم فى طريقه بأحدهن ، فتحدثت الأخري دون انتباه لما حدث ..! -لو سمحت مكان المحاضرة الاولى الدفعة الجديدة فين .؟ ألتفت سيف إليها وتحولت ملامحه من العبوس إلي إبتسامة لا يعلم مص*رها وتحدث :- -ذات العيون الخضراء بنفسها بتسألنى ..؟ بقلم / نورهان نادر ♥ #NOURHAN #NADER ♥

Free reading for new users

Scan code to download app

App Store Google Play

Facebookexpand_more