Katatapos lamang ng meeting kasama ang mga investors ng condo–hotel real estate project ng Madrigal Group. Isa-isang nagsialisan ang mga tao sa conference hall ng beach resort kung saan pagmamay-ari ng Madrigal Group.
May mga nag-uusap pa sa gilid, may nagkakamayan, at may nagbibigay ng huling komento tungkol sa proposal ni Meriam. Ngunit sa kabila ng pagod, nanatiling tuwid ang tindig niya habang nakikipagkamay sa mga investor. Isa-isa niyang pinasalamatan ang mga ito sa pagdalo.
“Napakaganda ng plano mo, Ms. Mera,” sabi ng isa sa mga investors. “Malaki ang potensyal ng project na ito.”
“Maraming salamat po,” magalang niyang sagot habang bahagyang yumuyuko. Ngunit sa likod ng mahinahong mukha niya ay may ibang emosyon na gumagalaw sa kanyang isipan. Hindi siya basta nag-organisa ng mee
