DAHIL NAKAAWANG ang bibig ni Vivienne ay madaling naipasok ni Railey ang dila nito sa loob ng bibig niya. Ginalugad nito ang kaloob-loban ng bibig niya. Pakiramdam niya ay mapupugto ang hininga niya sa ginagawa nito sa kanya. Matapos nitong salakayin ang loob ng bibig niya ay kinagat naman nito ang pang-ibabang labi niya. Napadaing siya kaya lang ungol naman ang lumabas mula sa kanya.
Parang balewala naman iyon kay Railey dahil patuloy lang ito sa paggawad ng mapagparusang halik sa kanya.
Nang marinig niya ang pagbukas ng elevator ay saka pa lang siya pinakawalan ni Railey. Walang sabi-sabing bigla na lang siya nitong iniangat at ipinatong ang kalahati ng katawan niya sa balikat nito. Binuhat siya nito na para bang isang sakong bigas lang ang dala nito. Hindi na lang siya nagprotesta sa
