"AKO RIN naman, eh. Hindi rin ako makapaniwala noong makita ko iyan. Pero noong sinabi ni Mama ang buong pangyayari ay saka pa lang ako naniwala. And I'm glad to know na mag-asawa na pala tayo seven years ago," malapad ang ngiting pahayag ni Railey.
"Kailan mo pa nalaman ang bagay na ito?" Hindi talaga makapaniwala si Vivienne sa nangyari.
"Kahapon lang nang hingin ko kay Mama iyong kopya ng marriage contract na pinapirmahan niya sa akin noon."
"Ibig mong sabihin, pareho pala tayo na kailan lang nalaman ang totoo. Paano nangyari iyon? Nakalimutan mo rin ba ang bagay na ito?" Pero imposible iyon. Mas matanda sa kanya si Railey ng anim na taon. Paanong hindi nito nabasa ang nilalaman ng dokumento?
"Pagkatapos ng training ko noon sa SEAL ay binisita ako ni Mama at dinala niya ang dokument
