ELLYSE MARIE ROMANO-DEL PIERRO
PLACE: ROMANO FLOWERSHOP
“Hoy!” Sobrang nagulantang ang buong sistema ko nang marinig ko ang sigaw ni Alona sa akin. Muntik na nga ako mahulog sa kinauupuan ko dahil sa malakas na pagsigaw niya sa mismong harapan ko pa. Napatingin tuloy ako sa kanya with matching panlalaki pa ng mga mata. Nakita kong magkasalubong ang kilay niya at nagtatakang nakatingin sa akin.
“Tulala ka diyan? Anong iniisip mo? May problema ka ba?” sunod-sunod na tanong niya sa akin. Kasalukuyan kasi itong nag-aayos ng boquet ng bulaklak.
Tumingin ako sa ibang direksyon. Maya-maya ay nangalumbaba ako at tumingin sa kawalan.
“Wala,” walang gana na sagot ko. Ang totoo, tama siya, may iniisip nga ako ngayon.
“Wala daw,” hindi naniniwalang sambit ni Alona. Tiningnan ko ulit siya. Nanunu
