"Erik... basta may trabaho ako, walang dapat ipag-alala. Anyway, papunta na ako sa trabaho ko at dapat umuwi ka na rin."
"No... gusto sana kitang ihatid sa trabaho mo. Maraming masasamang tao sa kalye at mas mapapanatag ang loob ko kapag ligtas kang nakapasok sa trabaho mo."
Nakuha na ni Rose ang sukli at lumabas na sila ng mall. Pumayag siyang i-escort ni Erik na nakahawak sa kamay niya habang naglalakad sa kalsada.
"Mukhang good mood ka ngayon Rose. Pwede ko bang malaman kung anong nangyari?" tanong ni Erik na nabigla ng naging mabait si Rose sa kanya.
"Sabi ko naman sayo, malaki ang utang ko sayo at gusto kong suklian ang kabaitan mo kahit tumanggi ka!"
Nang makarating sila sa resto-bar ay hinalikan siya ni Erik sa noo at umalis. Pagkaalis na pagkaalis ni Erik ay nawala agad ang ng
