Isang mahinang collective “oooh” ang umalingawngaw mula sa mga bisita habang unti-unting sumisindi ang libo-libong ilaw sa kisame—parang mga bituing sabay-sabay nagising. Huminto ang kuwentuhan, tumahimik ang mga kubyertos, at ang hanging kanina’y puno ng halakhakan ay napalitan ng pananabik.
Tila naging enchanted garden sa ilalim ng kalangitan ang ballroom dahil sa mga ilaw na sumindi. Ang kisame ay punô ng libo-libong maliliit na ilaw na parang mga bituin na bumabagsak mula sa langit. May mga ulap-ulap na installation sa itaas, mistulang ulap sa dapithapon, at sa pagitan nila’y mga puting ibon na tila nakalutang sa hangin, nagbibigay ng pakiramdam na may mahika sa bawat sulok.
Nakaayos ang mahahabang mesa na puno ng magagandang pastel na bulaklak—rosas, peach, at champagne tones—na nag
