البارت السادس عشر

3667 Words

قسوة الزمن عمرها ما تغير اصيل المتسامحون هم اطهر الناس قلوبًا عرفوا قيمة الدنيا فأستحقروا اخطأهم آيسن/ اكو مثل يگول بالوجه مرايه وبالگفه سلايه وهذا المثل ينطبق على صائب الي گام يمثل عليه انه يحبني ويخاف عليه بس آني أبقى بنيه وتفكيري محدود مو مثل صائب الي يطلع ويشوف ناس وضابط ويشوف هوايه مجرمين يعني تجاربه وخبرته بالحياة أكثر مني وكل أنسان ممكن تحزرمكره بس المكر الي عند صائب ما موجود ولا يصدق يعني الفكره ألي خطرت على باله ونفذها ما تخطر على بال الشيطان والمصيبه شلون يعاملني بكل حب واهتمام والله صدگت بي چنت أتمنى إنه بيوم ما صار إلي صارلي وتزوجت من صائب اكيد راح نكون أسعد أثنين بس تبقى ليست الحياةُ بالتمني الايام إلي بعدها اني قلقة وكل ما يعبر الوقت فرصتي بالتخلص من حمل صير قليله لهذا اني تواصلت ويا يزن وعدني يجي وصائب صرت عزيزه عنده گام ما يقبل أنام الا يمه والموبايل اخذته فوگ أسبوع وآني أنتظر يزن وماكو الى ما بزعت من اختفاء يزن اتصلت عليه أكثر من مره ماكو ما يرد واني عفت الموبايل گلت خاف مشغول وصلتني رسالة من يزن مضمونها آيسن لا تتصلين بيه وبس خليها مراسلات لان ما أگدر اجاوبچ واني كان من المستحيل اصدگ هذا مو يزن لان احنه بأستمرار نتواصل عن طريق الرقم وهذا الموبايل اني دافنته ويا ملابسي وماكو واحد يدري بي اتفاجئت برسالته رجعت رسلت رسالة ومضمونها يزن شوكت تجي حتى نفذ اتفاقنه ترى ما بقالي شي وبطني تبدي تبكر رد يزن /واذا كبرت ترى عادي اني موجود وانتظري هاي الايام اجيچ رجعت رسلت بعد ما جاوب هنا بدت الحرب النفسية الي عندي وشلون هذا الحمل اخلص منه بقيت بعدها أيام أنتظر وماكو هم يزن اراسله وما يرد عليه لهذا طلبت من صائب اتصل على أبويه وهو هم انطاني موبايله اتصلت على أبويه وحچيت ويا أريد اسأله على يزن ما اگدر لان صائب واگف على راسي سديته وانطيته اله بس طول ما هو موجود يراقبني ومن ما موجود صفصف تراقبني يعني أكثر المرات اذا اطلع من الصحيات الگاها واكفه يم الباب يعني صايره مثل ظلي وين ما أروح هي ورايه وصائب علاقته بيه أحسن ما يكون بس أكو شي مخليني ما مرتاحه وينغز بگلبي انه اكو شي ضامته ألي الايام الجايه وعقلي يگلي انه صائب ورا شي بس الايام الجايه ثبتت هذا الشي إلي وأني باقيه أنتظر يزن يجاوبني واني يوميه اشوف إذا مراسلني يمكن اتفقد الموبايل عشرين مره قليل وبيوم صارت عركه بين فلاح ومرته وصلت بينهم أنه فلاح ذب اليمين الطلاگ مره وحده على صفيه هذا الشي صار وأني دخلت بشهر الثالث من حملي واني أنتظر الإفراج من انه يزن يجي وصفصف طلعي من الغرفه حالتها صعبه ملابسها من يم ص*رها مشگگه وخشمها ينزف دم وهي اجتي عليه بالمطبخ وبدت عليه دگ رزايل وغلط وهجمت عليه تض*ب بيه وخطيه حميدة جرتني من يمها وتگلها لحميدة / عوفيني عليها لهاي العار خلي اموتها ولچ لو بيچ خير مو جايتنه حبله وتريدين تخلين ابن الحرام ابنچ براس هذا المسكين واني ما اگدر اجاوب لان اني بموقف ضعيف أنوب أجاوب شيصير بيه سكتت گالتلها حميدة/ هي شعليها أنتي وزوجچ تگللها / ذني شافن صائب قبل بعار وحده يردن الثانيه هم يقبل فلاح بعارها گتلها/احنه منو بعدها إجى صائب صاح بيه وگال / انتي الچ عين تسالين انتن شنو لا مستحى ولا خجل أمشي ولي منا اني هم عفتهم ودخلت بغرفة حميدة وإني اسال على منو يحچون ومنو قصدهم شو آني گاعده وساكته وما خلصانه من الحچي وظلت تحچي المشكلة شو البيت كلها صار يواسي بصفيه ويتوسلن بيها على انتي بنت أوادم وشريفة وهمه الزلم ما تعجبهم غير بس الي تنطي نفسها گبل الزواج ومن هذا الحچي يسم البدن واني اغلي أريد أعرف ليش يحچون عليه واحنه منو وعلى منو يقصدون وبعدها صارت هوسه سمعت بيها صوت فلاح وهو يگول / أي عجبتني وحبيتها وأريد أزوجها شنو حرام لو سبيت الله وصائب يجاوبه / هي عار وحده وبالگوه جارعيها أنوب أثنين شنو مخابيل احنه لا يلدغ المؤمن من الجحر مرتين هنا بصراحه توگف عاجز عن الرد على صاحب الكلام لان ما شاء الله صير كلها مؤمنه وتحچي بالإسلام وهو صائب الي يحچي بالأيمان شوكت صار مؤمن وهو قبل فتره چان سكير وفلاح وصائب مرادد بالكلام الى ما عمي صاح بيهم وگال / ما بيها شي اذا نيته زواج شكو بيها الله محلل 4 وما مسوي جريمه وهنا صفصف بدت تعيط ورجعت عليه بحچيها وهم غلط وفشار وعلى أهلي وحتى عمتي هم طبگت وياها عليه وكلهم تعاملهم ويايه تغير بعد ما نعرف موضوع حملي وحتى صرت منبوذه منهم يعني النظام بالبيت الزلم تاكل بالصالة والنسوان والجهال كلنه ناكل بالمطبخ بس من نعرف موضوع حملي گامن بالمطبخ حتى من يصبن آكل وأريد اگعد وياهن عمتي تگلي/ گومي صبي الچ واگعدي آكلي هنا ماكو مجال وتگومني وتگعد وحده من بنات فلاح بمكاني واني اگوم وأكثر من مره أشكي لصائب بكونه زوجي يگلي / هسه انزل امعشهن من شعفتهن شسويلهن اذا ماكو مكان ما بيها شي اذا گعدتي وحدچ واكلتي أنتي حامل لا يحصروچ ويتأذى الطفل غير امرتچ هذا أبني أريده سليم معافى ويضحك بس ضحكته صفره واگله/ صائب من يسون هيچي بيه احس عبالك بيه جرب ويطردون بيه يگلي / يعني شلون اگعد على حلوگهن حتى لا يحچن ترى حچيهن طبيعي انت ما أدري شبيچ تاخذين على نفسچ لو الي جوه أبطه عنز هو هم يگوم يمعمع من اگله شنو قصدك يگلي لا تهتمين بالحچي مالتي وانتبهي على حملچ وبس لهذا موضوع فلاح ومرته ما فهمته ألا لمن اجتي عليه حميدة وگالت / صائب صار ساعه گلب الدنيا بالصياح يصيح عليچ وأنتي ماكو روحي شوفي شيريد واني هم صعدت ومن دخلت للغرفه بده صائب يغلط ويصيح عليه/ على انتن ما فالحات بس بالگواد.... ومن أصيح ما سمعين گتله/ أموت وأعرف احنه منو بس گلي كل شويه وگلتوا انتن انتوا عليمن تقصدون هو بس آني عايشه وياكم بالبيت بعد منو انتن گال/ تدرين أموت من وحده زايعتها الدنيا وتستشرف براسي متعرفين خطيه عليمن نقصد گتله/ وحق كل كلمة بالقرآن ما اعرف گلي أنت فهمني گال / خطيه اختچ الشريفه متعرفه على فلاح عن طريق الفيس وصايره بينهم علاقة حب وما شاء الله كل مكالمه تگله حولي رصيد لان ما عدنه غده لو ما عدنه حتى علاج لأبويه وهو يحول ارصده ليش ابوچ ياكل ويتعالج ب ... وهسه صار فتره يروح لبغداد وينام وياها وهسه يريد يزوجها لان ما يگدر يبتعد عنها ومرته حست عليه وهاي هسه گدامچ يريد يطلگها وتريدين صفيه تسكت عمي اني لو مني ومنها والله ادخل اذ*حچ انعل ابو الي يطلع وراچ گتله/ عيب عليك من تگول على أبويه عايش على .... لآن ابويه أشرف من الشرف گال / واضح عيني لأن أنتي سلمتي الراية لاختچ خطيه شسوون شلون تعيشون اني چنت دائمآ اسأل نفسي اذا أبوها مريض وأخوها عار شلون چنتوا عايشين هسه فهمت من وحده اجتني حامل والثانيه ينام وياها فلاح مقابل ارصده وفلوس وشي طبيعي اي وحده بمكاني أنه ادافع عن أهلها حتى لو عيوب الدنيا كلها بيهم وأني أكره أهلي وأدعي عليهم بس أكره الي يگول آمين ورايه لهذا گتله / چذاب فلاح هذا يريد يزوج على زوجته ويگول نمت وياها حتى يجبركم تقبلون يزوج شلون تخلي فلاح يتقرب عليها وهي بعدها ما مزوجه گام يضحك بعلو صوته من سكت من نوبة الضحك مالته گال/ انتي مصوره إنه بعد مثل قبل مال بنيه ما تسوي شي أله تزوج لا حبابه راحت هاي الموده ويه جيل الطيبين ويا جدتي وجدتچ هسه البنيه عدها استعاد ينام وياها 100 رجال ومن تريد تعرس تروح على اي دكتوره ترجعها باكر او اكو بنات ينامون وياهن بغير مكان يعني مو حاجه تخسر بكارتها مثلچ انتي يا مطيه وهااااا فلاح اذا يريد يزوج ما يحتاج يتبلى على السيده موج يزوج بآي وقت لإنه من حقه يزوج ما بيها شي بصراحه تعجبت من كلامه بس ظليت مصره على انه فلاح كذاب وهو تنرفز وجرني من حجابي ويگلي / تعالي هسه اشوفچ اختچ الشريفه اني ما ردت اشوفچ بس من گلتي على فلاح كذاب لا والف لا عليمن خايف على مشاعرچ ونزلني ويا وگفنه بباب غرفة فلاح ودگ الباب وفتحلنه الباب فلاح ومن شافنه تعجب وهو يهز براسه لصائب بمعنى شكو بس صائب دفعني دخلني للغرفه مال فلاح وهو هم دخل وسد الباب وگال / فلاح آيسن تگول انت چذاب تريد تزوج ودى تتبلى على اختها انطيني موبايلك بس فلاح ما قبل ينطي الموبايل الا ضغط عليه صائب واخذ الموبايل منه وطلعلي صور موج والله صور تخزي هاي شلون اصورت هيچي اكو بيهن بملابس نوم واكو بين بملابس داخلية واكو بيهن عاريه تخبلت حتى نفسي گامت تلعب وهو صائب أصلًا من انطاني الموبايل اني اگلب بالصور وحتى أبتعد عني واجى طلعلي المحادثات بينها وبين فلاح الكلام كله يخزي ورجع صائب گالي / خطيه جاي نتبلى عليها وطلع الرقم وگالي / هذا مو رقم اختچ گتله/ ما اعرف رقمها يعني ما حافظته رجع صائب يگلي/ خطيه هاي كلها مو هي هسه ضغط اتصال دگ وبعدين ردت موج اصيح الووو حبيبي فلاح ليش ما تحچي وغلق الموبايل وگلي / هاااا هم هذا مو صوت اختچ موج لو أنتي تريدين تغطين الشمس بغربال ظليت لا اخذ ولا انطي بالحچي ويا وطلعت من غرفة فلاح وأحس نظرات التعاير بعيونهم وحتى احسهم بس يريدون احچي حتى يعايروني وصرت اعذر حتى وائل وياسين ويعرب من رادوا يذ*حوني لان صرت احس صدگ اني وموج عار عليهم شلون راح يتحملون اذا واحد عايرهم بينه وأني هسه ما أتحمل احد يعايرني بموج أريد احچي ويا يزن بس الموبايل فوگ وصائب موجود شلون رحت صعدت فوگ واني اتسحب كأنهُ دى ابوگ واخذت الموبايل خليته بص*ري ونزلت واني ما اعرف منين راح اگعد أراسله بدون ما أحد يشوفني لهذا طلعت للصحيات الي خارج البيت وبديت أراسل بيزن على أنه ماكو وشلون يوعدني يجي وما يجي بس رد عليه رد صادم وصدمني ومن يگلي /اني الطفل ما اريده ينزل أبني شنو اكو واحد يقبل أبنه يموت لا حبيبتي آيسن يبقى واني الايام الجايه راح آجي عليچ بالليل حتى ترجعين ويايه لبغداد أستغربت هذا كلامه شنو أبنه كتبت /يزن شنو أبنك أنت وآني نعرف هذا ابن سجاد شلون أبنك وأني ما اريد أرجع لبغداد أريد بس تجي تاخذني كم يوم لبغداد اسقط الطفل وفضت وأرجع هنا لان بعد ما أريد أبقى ويا بنفس البيت اجاني رد يزن اذا تريدين تنزلين الطفل أني موافق بس أنام وياچ وبعدها اسقطه وارجعچ لصائب وهو ما يدري بكل شي فكري ورجعيلي جواب وعلى جوابچ راح أتصرف اجي لو لا أني تخبلت هذا يزن معقوله هيچي يسوي بيه وعبالك ما دى احچي ويا يزن رجعت راسلته على موج وگتله شلون عدها علاقه بفلاح شلون ينطيها فلوس وارصده وهو يجاوبني بكلمة عادي وشنو الجديد احنه متعودين عليچن وأكثر كلام يزن جارح عفته وخليت الموبايل بص*ري وطلعت صار بوجهي صائب ونظرات الشك بعيونه وگالي /صار ساعه بالصحيات وشنو قابل عندچ عمليه قيصرية ما جاوبته دخلت للبيت وچانت صفصف رايحه لبيت أهلها بس شنو كل نظرات الغل والحقد كلها عليه بس حميدة شويه اش*ه منهم بس وجهه ثگيل عليه رحت گعدت بالصالة يم عمي حتى ما اشوف احد منهم وعمي يباوع عليه بنظرات شفقه وهو يهز راسه بعدم رضى وللمغرب صاحت عليه حميدة سوينه عشه وبعد كملوا دى أغسل بالصحون ويايه حميدة احس موبايلي بص*ري باهتزاز ما أگدر أروح أرد وين بيا مكان لازم مكان ماكو واحد يسمعني بي لهذا عفته ما رديت عليه ومن خلصت بحجة دى أسبح شفت الإتصالات من يزن اتصل عليه ما يرد وبعدين نغلق ذيچ الليله چانت مرهقه للأعصاب على ثاني من دى نضف سمعت صوت يزن واني بالمطبخ گلت ويا نفسي دى أحلم شيجيب يزن هسه وأني البارحه تراسلت ويا ما گلي راح يجي اجتي حميدة گالت / آيسن ابوچ وابن عمتچ اجوي يسألون عليچ رحت ركض لصاله صح شفت أبويه ويزن بس مفاجأة شفت وياهم صائب هم جاي العجيبه الساعه حدود 10 ونص الصبح شرجع صائب هسه وهو عنده دوام ورجعته هو من دوامه العصر ومن سلمت على أبويه وبست أيده سلمت على يزن وهو هم رجع السلام بس طبيعي يعني مو مثل ذيچ المره حتى بين عليه التوتر او ينزعج أبد ماكو هيچي شي يتصرف طبيعي اني ظليت ما أعرف شلون أنفرد بيزن حتى احچي ويا وهو حتى ما يباوع على جهتي والمصيبه صائب لازگ يمه يعني اي حركه مني ليزن مكشوفه راح ينتبه صائب واني تحولت للمطبخ واجى فلاح جايب مسواگ ولحم وسمچ وعمتي تخبلت وتگله / يامن تعب يامن شگى يامن على حاضر لگى من تالي وكت صفيه الي اهلها من يجون تستخسر تجيب إلهم شي وأهل الگحا... موقرين وهمه الگمه ببيوتهم ما ضايگيها اني كالعادة ساكته لا أروح أرد وابتلي وبعد الغده صعدت فوگ أركض واخذت الموبايل إتصل على يزن يدگ وما يرد يمكن اتصلت عليه 10 مرات ما رد بعدين كتبت رسالة/ يزن اطلع يم الصحيات أريد احچي وياك وضميت الموبايل بملابسي بالكنتور ونزلت ومن دخلت بالصالة ما لگيت لا يزن ولا صائب رحت للمطبخ ومن باب المطبخ الي يطل على الممر الي يوصل الى الصحيات الخارجية لگيت صائب جاي ناحية باب المطبخ بسرعه دخلت وصرت وره بابه دخل صائب راح على الصالة اني طلعت أركض على الصحيات انتظرت يزن من طلع وهو هم ما أتأخر ومن طلع وشافني عگد حواجبه وگف يغسل على المغسلة گتله/ اگلك ليش من اتصل بيك بعدني ما مكمله جملتي صار گدامنه صائب بس ما أجى من ناحية باب المطبخ ألي آني أصلاً عيني عليه اجى من وره البيت من جهة تنور وما انتبهنه عليه الا لمن گال/ شوكت اتصلتي على يزن من موبايلي اني ما عندي رقم يزن أنتي منين جبتي لو حافظه رقمه على غيب فزيت فزه بس الله يعلم بيها بس بسرعه اتمالكت نفسي گال يزن لصائب/ اني هم ما عندي رقمك انطي ألي اخاف احتاج شي منا اخابرك گتله/ لا آسفه قصدي من إتصل على أبويه انت متجي يم أبويه لا تخلي وحده جاوبني يزن / لا كل ما يصير عندي مجال أروح عليه عفتهم يرجعون لصاله واني دخلت أسوي گهوه طلبها مني صائب سويتها ورجعت لصاله هنا صار شي غريب أنه صائب بده يبسمر بيزن وأبويه من گال /على هنا الناس محتشمه وبناتهم ماكو واحد يشوفهن ومستورات مو مثلكم بغداد البنات لبسهن ويطلعن بس الله اليعلم وين يروحون هنا يزن گاله/ شنو قصدك من تحچي لا تعمم وبناتنه بغداد مستورات وشريفات وينحلف بشرفهن بس تبقى انت على شنو رايح لبغداد اذا رايح على ملهى راح شوف بغداد كلها ملهى اذا رايح أزور الإمام راح أشوف بغداد كلها إمام لهذا لا تعمم تبقى انت والرايح عليه لبغداد گاله صائب / عيني شنو قصدك اني اروح لبغداد على ملاهي لا أنت غلطان اني ما أروح على هيچي سوالف ما احتاجها بس شلون تريد أفكر اذا بنيه تجيك حامل شتگول عليها واذا أختها لعبه لعب حتى ويا أخويه الله كفيلك حتى صورها عريانه عند أخويه ما تخلي واحد بنفسها لا والمشكلة تگول شلون اصرف على أهلي خطيه صاحبة مبادئ گاله يزن / شتقصد من تحچي عين انت عليمن تحچي لا ظل تبسمر مثل النسوان تخبل صائب وگاله/ لك عرض السگط لو بيك خير چان لزمت بنات خالك وحده اجتنه حبله والثانيه أخويه لعب بيها وينطيها فلوس تصرف على هذا الگوا ...ألي يمك هنا بعد ما بيها مجال گبل طفر يزن على صائب وهو يگله/ ولمن حبله ليش قبلت بيها لما گوا... صدامي ولزم صائب من ملابسه وصائب ض*به كله خشمه براسه واحد صار يض*ب الثاني بس صائب سيطر على يزن اولاً لان من بداية العركه ض*ب يزن على خشمه وثانياً يزن أكبر من صائب بهوايه لان حركة صائب أخف من حركة يزن بسبب العمر وأدخل فلاح بين الطرفين وسحب صائب على جهة وظل واحد يتهدد على الثاني وانتهت العركه بصوت يزن من گال / يله آيسن بدلي وتعالي ويانه احنه گوامه وياهم گاله صائب/ متطلع الا تولد يله حتى اتاكد الطفل أبني لو لا والا هسه أشتكي عليها بتهمة زنى دخلت بيها وره ربع ساعه طلعت حامل ابويه گاله /تبقى آيسن واحنه نروح بعدين نتفاهم أني طلعوا أبويه ويزن لو متت هسه بقيت تحت رحمة صائب وأنوب نفضحت موج وراح نصير عاهرات بحكم العشائر هسه أنوب إني ندست برجلين لإن راح يخلوني اني موج بنفس الخانه والله ما أدري أدعي على نفسي لو إدعي على موج هسه أنتي خلصوا زلم العالم بقى بس فلاح الله لا ينطيچ موج على هاي الفضيحة وبعد ما راحوا بدت عركه إلها اول ما إلها اخر بين فلاح وصائب أنتهت بعمي ألي نزل دگ غلط ورزايل على صائب وانه هسه نفتح عليهم باب بعد ما ينسد لان انت تهمت بنيه وما عندك دليل عليها واذا طلعت صورها راح تفضحها وبنفس الوقت لازم يزوجها يعني زواجه منها يصير بفضيحه شلون اكو واحد يزوج وحده گحب.... بحكم عشائري انت خبل بس صائب ما أهتم لأي شي وبذاك اليوم صرت تحت أنظار الكل وأحس نفسي مذنبه لان نظراتهم توحي إنه أنتي مشبوهه عبر ذاك اليوم والثاني يوم الصبح أجى واحد معگل ويا ولد شاب ورادوا عمي بس ماكو ما يگدر يطلع گوه اتوكأ على آبن فلاح وطلعلهم ومن دخل فهمنه إنه يزن مگاوهم ولازم يروحون ياخذون عطوه وأتصل على فلاح وبلغه بالگوامه لهذا همه هم رسلوا واحد من عشيرتهم ويصير وكيل الشيخ ببغداد واخذ عطوه الهم من يزن والعطوه بعد 3 أيام وتنتهي وهمه هم رجعوا رسلوا فرشه وتقررت الگعده بعد يومين وهذني اليومين عبرن عليه زقوم لآن الكل حاربتني وبس عمي وفلاح زينين ويايه واجوي اهل صفصف حتى يتفقون انه ترجع صفصف وخلي يزوج فلاح ما عدهم أعتراض وبالفعل قبل الگعده بيوم رجع فلاح جاب شيخ ورجع صفصف وهي من دخلت للبيت دخلت دخول منتصر لأن رجعها واني حالتي تترجع لآن صارت الگوامه كلهم ضدي وماكو واحد احچي ويا وصرت هوايه نتراسل آني ويزن وصارت يوم الگعده وراحوا فلاح واخوته وصائب وعمي ما راح على مود ظهره راحوا چان بس صائب متخبل من رجعوا فلاح وصائب متخبلين وأول ما دخلوا بده فلاح يصيح ويغلط ويفشر عليه وعلى أهلي اني خفت أنزل لان فلاح وصائب يرعدون سوه على شنو ما فهمت وألي فهمته فيما بعد إنه همه فاصلين عشيرتين عشيرة أبويه وعشيرة زوج أختي لآن غريب هنا ظليت صافنه حتى المطي يصفن بهيچي موضوع شلون زوج أختي ليش هي موج مزوجه لا وأسمع صائب يگول / والله يا الله احنه ندفع فصل 30 مليون على مود وحده گحب ..... بايعتها ومخلصه والله اذا ما طلعت الفصل من عيونهم مربع اني مو صائب والله مديحين بناتهم يحصلون بيهن فلوس آني متعجبه شنو زوج موج ليش هي موج وين مزوجه والله يخبلون الواحد ومن دخل صائب للغرفه عيونه نار يريد بس يتعارك اني ما أعرف شسوي گمت ارتب بالغراض حتى أبعد خوفي وتوتري وهو بده يجعر على راسي ويگلي/ اگلچ اختچ مزوجه گتله/ ما أدري بيها اني صار فتره ما رايحه ولا محاچيتها بالموبايل ظل يسب اني عفته ما حچيت وبعدي الي فهمته آنه همه مو عايرهم صائب بموج شمسوين مخلين ياسين يعقد على موج بعد ما خاضعه للفحص والفحص يگول / هي بعدها بنيه يعني من ازوجت ياسين وصارت على ذمة رجال اذا غريب يفصلون عشيرتين واذا گرايب ومن عشيرتها يفصلون بس عشيره وحده وهو ياسين من عقد عليها تعتبر زوجته وهو زوج عمتي أصلاً غريب مو من عدنه من غير عشيره لهذا فصلوا لأبويه ولياسين هم ذوله عشيرتنه مطبقين مثل يگول عدو عدوي صديقي وهمه هم زوجوا ياسين موج حتى يفصلون مرتين يعني بالقلم العريض عشيرتي نصبت على عشيرة صائب وهذا ألي خله فلاح و صائب متخبلين وخصوصًا فلاح لان نصب عليه مو بالفلوس بس لا نصب عليه بمشاعره لهذا ما تحزر فلاح بشنو يفكر او شلون يصرف بدليل شگد چنت حريصه ما اشوفه وجهي وعلى ثاني يوم شافني وبده يغلط ويگلي/ تروحين فدوه لصفيه أنتي واختچ وعشيرتچ وما بقى أنواع الفشار ما گاله واني ساكته هنا هو بعد ما أتحمل سكوتي والله جابني بو** على خشمي حسيت الدنيا تفتر بيه والوجع مال خشمي خلاني ما أسيطر على نفسي والدم ينفض من خشمي من شوغت روحي عطت لله على الوجع الي حسيت بي وحتى من حلات روحي ما عندي احد احتمي بي ركضت على الصاله وصرت وره عمي الي من شاف منظري گام يصيح ويغلط على فلاح ويگله / يا مجرم شسوت هي انت لو زلمه ما تجي على هاي المكفخه مالتكم وعلى گد أيد*كم تروح على ذيچ طلع مراجلك عليها ألي اخذت منك فلوس وهو هم خله وطلع بعد ما حچى شي وأني أكون باكيت كلن** يم عمي أسحب وأخلي على خشمي والدم ما يوگف الى ما أتصل عمي بأبن اخو واجى هو وحميدة أخذوني للمستشفى وبعد فحص الدكتور گال/ اكو **ر بخشمها وعدله وخلالي بلاستر وكتب علاج وطلعنه للبيت هنا بعد ما أتحمل وصلت ويايه حدها گلت لازم اتصل بيزن يجي ياخذني واي شرط گاله إلي إني موافقه صعدت لغرفتي وطلعت الموبايل اتصلت بي ما يرد كتبتله/ يزن اني موافقه على كل شروطك بس تعال أخذني لو تنام ويايه 10 مرات هم موافقه بس خلصني وخليت الموبايل بص*ري ونزلت وأكو حاله غريبه يزن من أكون وحدي وأتصل عليه ما يرد ومن هو يتصل كله أكون بموقف ما اگدر أرد عليه ومن أرجع إتصل عليه هم ما يجاوب هذا الشي چان معجبني اجتني رساله من يزن مكتوب بيها اطلعي اليوم الساعة 12 بالليل للبستان وين من مره وگفنه نحچي واجى صائب هناك الگاچ مو تتأخرين اني هم ما كذبت خبر أنتظر الليل بفارغ الصبر وبعد معانات اليوم وعذابه من اهل صائب للعصر صائب ما اجى من دوامه بس أتصل على عمي وبلغه إنه هو اليوم خفر وعمي بلغني سبحان الله گلت همزين ما اجى حتى بالليل أروح وماكو صائب وقبل ما اصعد انام گعدت يم عمي وبقينه نحچي وشكرت منه أنه چان زين ويايه وهو هم گال / والله أني سويتها حتى گلت بلكت هذا الخبل يعقل وأخلص منه وحمدلله عاف الشرب بس حملچ خرب كل شي بنتي لازم تتخلصين من هذا الحمل بقيتي ويا صائب أو افترقتوا لأن هذا بذرة حرام وزنى يعني حتى اذا يكبر أو بنيه وتكبر واح يطلعون غير صالحين بنتي همه الي يجون حلال ولد غطى وفراش يشلعون الگلب أنوب ولد حرام واني گتلچ ما أقبل ولد زنى يسجلون بسم أبني أنتي چنتي ضحية لاخوچ وعذرتچ بس ما أقبل أبني يصير ضحية الچ وسجلين ابنچ او بنتچ بسمه أتخلصي من الحمل بأسرع وقت ممكن صعدت فوگ بغرفتي أني مثل رأي عمي لازم أتخلص منه وظليت گاعده الى ساعه 12 الا ربع گمت لبست جبه وشال وخليت الموبايل بص*ري ونزلت اسحب بهدوء حتى لا احد يحس عليه وطلعت من باب المطبخ وسديته ورايه وبتعدت عن البيت بهدوء وبعدها أخذتها بركضه للمكان ألي ذكره يزن بالرساله وصلت ماكو يزن والخوف من الظلمه وصوت الچلاب وهي تنبح حتى يبست دمي بجسمي من الخوف گمت أصيح يزن وينك بعلو صوتي وطلعت الموبايل من ص*ري حتى اتصل على يزن بس حسيت واحد واريه اريد التفت نحط حبل على رگبتي وهو يگلي يله اتصلي على يزن بسرعه قبل ما تموتين حسيت بنفسي مثل الآلي ضغطت على الاتصال وچانت لحظه مرعبه والله أكثر رعب من أغتصاب سجاد ألي لان الموبايل الي بيد ألي ورايه يدگ يمه ألتفت عليه صارت عيني بعين (صائب) يتبع ملاحظه/ الى كل متابعيني الي ينورون صفحتي بتعليقاتهم الحلوه تحية لكم من القلب الى القلب اليوم حبيت اشكر صاحبة التعليق هاي الي تعليقاتها تفرحني حبيبتي سلامة عيونچ دمتم في آمان الله وحفظه أختكم الزهيرية الزهيرية تصويتكم يسعدني

Free reading for new users

Scan code to download app

App Store Google Play

Facebookexpand_more