البارت الخامس عشر

3618 Words

مهما بلغت قوة شخصيتك هناك دائمآ شخص يمكن ان يجعلك ضعيفاً امامه ليس خوفًا ولا ذل انما هي مكانه راقيه في قلبك يستحقها آيسن/ مرات القدر ي**نه ويلعب لعبته الي تخططه اله آنه سوي بعدين جزء بسيط من تخطيطك ما يصير تبقى إرادة الله فوگ كل شي ورب الكون مستحيل يكون الشي الي نريد نغش بي غيرنه الله يساعدنه بي لأن رب العالمين رب الحق مو رب الباطل لهذا اني وبتخطيط يزن چنت أريد اغش صائب بس رب العالمين گلي اوكفي هذا حدچ لازم افضحچ لان انتي تريدين تغشين شخص ما اله ذنب بيچ كل همه ينسى البنيه الي لعبت على مشاعره واكبر خيبه ممكن تحصل للأنسان هو انه واحد يستغل مشاعرك والمصيبه منو يخلي عينه بعينك وهو يكذب عليك وهاي الحاله چانت ويايه اني طول الفتره ألي مضت اني كل همي انه اعيش قصة حب ويا صائب الي حبيته ومن كل گلبي بس نسيت مصيبتي او بالأحرى تناسيت لان مستحيل وحده تمر ألي مريت بي وتنسى وهذا چان أول حب بحياتي يعني انطيت كل مشاعري لهذا هانت عليه حتى كذبي حتى اوصل لمشاعر صائب واني مثل كل بنيه بعمري أفرح من الشاب ألي أحبه وأتمنى يگلي احبچ و يعترفلي بحبه بس اني لا ما فرحت لان على حظي الاگشر صائب تاب من الشرب هسه لو اني بنيه عاديه المفروض افرح لان خليته يتوب حتى أدخل للجنه بس هاي توبة صائب جرت عليه ويلات بيومها بقيت صافنه بوجهه حتى هو أستغرب عليه شلون ساكته گلي / شبيچ آيسن ما تحبيني گليلي والله ما أتقرب عليچ وحتى أطلق سراحچ واطلگچ أنتي ما مضطره تتحملين واحد سكير مثلي گتله/ والله صائب إني احبك اكثر ما انت تحبني بس أكو أشياء تمنعني ضحك وگال / لا تخافين أعرف شلون أصرف وياچ اخليچ تنسين الدنيا وألي بيها آني بيني وبين نفسي قررت اگله بس حظي الأ**د وين ما أخلي ما يگعد دائماً يصير حاجز بيني وبين اي نقطة تحول بحياتي بعدنه دى نحچي ونسمع العياط ملا أركان البيت وهو بخطوتين صار يم الباب مال الغرفه ويگول/ شكو سترك يا رب شصار وبعدها ما شفته يمي واني هم عدلت حجابي وطلعت أركض بس بيت ماكو بي احد اذا نذب بي الابره تسمع صوتها طلعت من البيت شفت مرة فلاح والباقين يركضون واني هم ركضت وراهم وصلنه يم نخله وعمي أبو فلاح جوها ويعيط ويستريح طلع خطيه واگع من النخله وفلاح وصائب والباقين يريدون يگومه وبس هو يعيط ويگلهم عوفوني خلوني بمكاني لا تحركوني الوجع بيه مو بيكم وما تحسون بشي من وجعي بس الولد ما يقبلون يريدون ياخذوه للمستشفى وهو يصيح/ لكم ولد الكلب الوجع بيه مو بيكم وصاح فلاح على صائب گله روح حضر السيارة حتى بسرعه ناخذه وعلى رغم صياح عمي والغلط الي حصلوا منه بس گدروا يشيلوا ويوصلوا لسياره الي محضرها صائب وأخذوه وراحوا واحنه بقينه بالانتظار نشوف شنو راح يصير وشنو بي عمي واني تقريبًا قبل هاي الحادثة ب 10 أيام اني متجاهله يزن ما أرد على اتصالاته وحتى الموبايل ما أطلعه من مكانه واشوفه گد ما فرحانه بمشاعري ويا صائب لهذا ما يهمني يزن ابد بيوم إلي راحوا للمستشفى يودون عمي ابو فلاح اني رحت دى اخذ ملابس الي ومن سحبت الي دشداشة وگع الموبايل بسرعه اخذته من الگاع خفت لا تدخل حميدة وشوفه بس أنتبهت عليه طافي ما بي شحن طلعت الشاحنه وخليته على الشحن لان أخذني الفضول أشوف شكاتب يزن شحن شويه وفتحته وبدت الاشعارات تجي مكالمات ما يتصورها العقل إما الرسائل عجيبه غريبه بين يهدد بفضحي يم صائب وبين يحبني وبين يستعطف مشاعري على أبويه وبين انه ينتحر وآخر كاتب راح اجي عليچ واخذچ منه حضري نفسچ راح اطلگچ منه رديت غلقت الموبايل ورجعته بمكانه دخلت سبحت ورجعت گعدت يمهم ولكون أني اعتبر سويت موقف بطولي لكون بقيت يم صائب لان همه چانوا مأيسين من انه بيوم يشوفون صائب عنده زوجه وباقيه ويا لهذا عمتي ام فلاح كلش زينه ويايه بس زوجات اخوان صائب الباقيات يضوجن مني بس اني بموقف ما يسمحلي أسوي عداوه ويا اي وحده لهذا ماخذه الكل بالمسايسه وبيومها الناس من گرايبهم هوايه اجتي لان المناطق هايه الناس من يصير شي عند واحد بيهم الناس كلها توگفله الجوارين والگرايب بيومها اذكرت أبويه من تمرض وسوه عملية ماكو واحد يدخل علينه غير بس يزن حمدلله احنه الفضل لدموع الي گطعتنه من الكل وخلتنه مگطين ما عدنه بس يزن لهذا مرة فلاح عدنه تصرف كأنه هي ام البيت وحتى دائماً تجاهل حتى عمتي بيوم الي اجوي النسوان كلها يم عمتي هي كل شويه صيح بيه گدام الناس حتى تهيني في حين ما تسوي بنسوان حمويني هيچي بس أني متعلمه أصير مكفخه گدام الرايح والراجع حتى من چنت عايشه بيت أهلي بمذله يعني اجي هنا اريد أصير عدهم خاتون لهذا اسكت وشتگلي أسوي والعصر اجوي جابوا عمي ابو فلاح وهمه دخلوا لصاله ويصيحون بسرعه فرشوا فراش لازم قطني أجتي حميدة فرشت الفراش وهو يصيح ويستريح نيموا على الفراش وهو يحچي على فلاح ويگله / لك فلاح گوا .... انطيني علاج حتى أهود الوجع موتاني وفلاح يگله / بس أشرب حليب واني انطيك العلاج وزوجة فلاح گبل نترت بيه على روحي سوي حليب لعمي اني نهضمت منها بس رحت للمطبخ واجى ورايه صائب واني طلعت حليب من الثلاجه لان كل المنتجات الألبان الي عدهم كلها من حلالهم عدهم بقر وخرفان ودجاج خليت حليب حتى يحمه من واني دى احرك بي صفنت على وضعي وصائب يحچي شنو يگول بالي مو يمه الى ما حسيت بي قريب عليه ويخلي ايده على أيدي وهو يگلي / الحليب يا حليب حياتي شوفي ايدچ أنظف مني اني يمكن من الصبح ما غاسل كملي الحليب لأبويه وحضريلي الحمام گتله/ ليش عمي شبي صائب گال / واگع من النخله وهمزين جوا تراب لهذا صاير عنده فطر بالعامود الفقري والدكتور يگول حمدلله هذا المكان لا يجبر ولا نگدر نسوي اله عمليه لان فطر مو **ر لهذا ننطي بس حليب وسوب مال عظام حتى يلتئم الفطر والمهدئات الي نطاهن اله الدكتور لهذا راح شوفي من يخلص مفعول المهدئ يظل يصيح من الوجع وراح أحول فراشي يم أبويه بالصالة گتله/ براحتك بالليل افرشلك يمه بالصالة گال / چنت متأمل اليوم ندخل بس ما راح أصير راح نأجلها كم يوم اني صبيت الحليب وانطيته لصائب الي بدوره أخذه أخذه لعمي وماكو وأحد اعتنى بعمي مثل صائب ألي چان ما يبتعد عن عمي غير بس وقت دوامه ويرجع يمه من اول ما يرجع من دوامه الى ثاني يوم يرجع يروح لدوامه وكل ذيچ الفتره الي چنت مقطوعه من يزن چنت اتصل على أبويه من موبايل صائب لان هنا ما يقبلون وحده من عدنه عدها موبايل اني ما جبت طاري انه عمي وگع من النخله حتى لا يجي يزن لان ما اريد اشوفه وسبحان الله صدگ الي يخاف من العفريت يطلعله لان اني خفت لا يزن يجي وخامس يوم من الحادثه مال عمي ابو فلاح أجى يزن وأبويه اني والله فرحتي بأبويه والله ماتنوصف بس يزن لا ما اريد أشوفه لآن نضراته ما تتفسر وهو يباوع عليه لإن نظرته حاده بس اني جاهلته وبقت حسره بگلبي انه شلون عرفوا بحادثة عمي ابو فلاح ومن دخلوا چان حدود الساعة 11 وربع لهذا همه بقوا يم عمي واني تحولت للمطبخ حتى نحضر غده بس الصحيات صير على طريق المطبخ لهذا انتبهت كل شويه يفوت يزن بس يأشرلي براسه عود تعالي بره واني أغلس الى ما زوجة فلاح گالتلي / شنو ابن عمتچ بي سكر شو كل شويه يدخل للصحيات اني حبيت اداري على تصرفاته گلته / اي خطيه عنده سكر ويصعد عنده هوايه يبهذله رجعت گالت / خطيه ورگبته هم تشنج لوهاي طبيعة يهز برگبته لان الي يشوفه يگول هذا دى يأشر لوحده من عدنه اني سويتها بضحك انه سوالفها حلوه وحدود الساعه 1 أكثرهن الي راحن يصلن واكو راحن يسبحن بس زوجة فلاح راحت تخبز لهذا من فات يزن واشرلي طلعت ورا وصلت يمه قريب على الصحيات انطاني الخاولي بحيث الي يشوفنه يگول هاي دى تنطي الخاولي گتله/ أنت عندك عقل شلون كل شويه تفوت وتأشر وزوجة فلاح انتبهت عليك گال / هسه راح افتح موضوعچ ويا عمچ وحضري ملابسچ حتى ترجعين ويايه اني احبچ گتله/ انت يا حب هذا خرف مو حب ليش أنسى ألي سويته بيه من سلمتني الهم حتى يذ*حوني گال / لچ هذا حچي لعبي بي على نفسچ وحق ربچ هسه أگدر اگول لصائب عليچ ويطلگچ فهمتي ما اعرف شلون صارت زوجة فلاح گدامنه اني ارتبكت وهو أخذ الخاولي من أيدي وگلي / شكرًا بنيتي وعافني وراح وأني ابتسمت بوجهه ودخلت للمطبخ وبعدها رجعت كلها للمطبخ وبدينه نصب بالأكل بس شنو شبعت بسامير من زوجة فلاح على ماكو شي ينضم طول العمر وخصوصًا الي ضم شي على زوجها والإنسان لازم يكون صريح ويه شريك حياته وهذا عمر كامل قابل هو مثل زمن صدام الجيش 3 سنوات ويخلص بس تحچي وتباوع عليه يعني دى تفهمني إنه سمعتچ من چنتي تحچين ويا ابن عمتچ واني درب التغليس بس قررت اگول حياتي الماضية لصائب واليوم بالتحديد وشيصير خلي يصير ولأ أبقى تحت تهديد زوجة فلاح ويزن بس واني دى اصب دجاج زفرة بخشمي احس نفسي أريد اتقيأ وحتى لزمتني دوخه بس تمالكت روحي وأخذوا الآكل لصاله وجبروني فلاح وعمي اجي اتغده وياهم على مود أبويه ويزن وطول فترة الغده عمي يشكر من ابويه أنه اني مألي صوت وأذيه بيتهم وحتى صائب فرحان بيها انتبهت على يزن يريد بطگ وبعد الغده والچاي صار موعد رجعت صائب وهو هم سبحان الله اني دى افكر بي دخل وشافهم وسلم وعليهم والي ضحك بوجهي وانطاني علاگه الي ويزن ينتقل بنظره من صائب الي وگعد صائب يم عمي ابو فلاح ويزن فتح موضوع انه ياخذوني وياهم أبقى يم أبويه كم يوم ويرجعني يزن گال عمي / والله أني مالي اي سلطه عليها هذا زوجها وهو يگول اي او لا بعده صائب ما حاچي شي اني نبيت من يمي گتله ليزن / لا ما اگدر هسه أروح وياكم لان عمي ظهره والناس بعدها تروح وترجع علينه من يصير زين صائب يجيبني ألكم الصبح ويرجعني ويا العصر اني هسه على ذمة رجال وهنا اني مرتاحه والله أكثر من أهلي همه هنا ظل يزن يغلي لان الي رفضت مو صائب لهذا ما يگدر يحچي شي بس طلع من يمنه وهو يتوعد بحركات وجهه وبوست أبويه وراحوا واني دخلت للبيت وصائب يمشي ويايه ويگلي /بهمس همزين ادخلتي وما قبلتي تروحين لان خلوني بوقف محرج ردت اگلچ روحي بس بقت حسره بگلبي شوكت راح نتكاثر ونسوي فطومه يله ما بقى شي ان شاء الله قريباً گعد هو يم عمي واني بالمطبخ وبده الشغل وزوجة فلاح نفس وضعها وبالليل اجوي جماعة صائب الي يشرب وياهم وبالفعل هو من وعدني بعد ما يشرب بعد صدگ ما شرب وحتى اصدقائه صار ما يطلع وياهم صار أيام لهذا همه اجوي عليه واني عمي من دى افرش لصائب گلي / تعالي اگعد ي أريد احچي وياچ واني هم گعدت قريب عليه وهو هم بده كلامه من گلي / اني شلون اشكرچ قليل بحقچ تحملتي صائب واليوم كبرتي بعيني بعد من ما قبلتي تروحين وياهم واني شما اگول بحقچ قليل والله ما چنت مصدگ بيوم صائب يعوف الشرب چان مخزيني بين الناس گتله/ لا عمي هذا واجبي تجاهك لان ألي سويته ويايه مو شويه گالي / وأني عند وعدي وياچ سرچ للگبر ويايه لا اني ولا فلاح راح ينعرف من عدنه شي واي شي صار بحياتچ خلي وره ظهرچ دخل صائب وسكتنه وظل يباوع علينه بشك بس ما حچى شي واني ظليت مرعوبه ما أعرف سمع ولا ما سمع هذا چانت أخطر صفه بصائب وما يبين شي او انه سمع ألا يجيب دليل على صحة الي يگوله يعني ما يسأل هذا شنو الكلام الي سمعه لا يظل يبحوش ويطقس وحده الا يوگع على العله والي يخلي الشك براسك يقين من يجي واحد خبيث ويريد يبث السم مالته ولا وشلون يبرر تصرفه انه گال هذا الكلام مو بقصده شي اجتي زوجة فلاح وأسمها صفية وعمي يصيحلها صفصف شاف*نه وهي بيدها گلاصين برتقال وتگول / هاي حشت برتقالات من الزرع وسويته عصير العمي وهذا الگلاص من نصيب صائب اشكر عمي وصائب منها وهي رجعت گالت ألي/ ياولي يا آيسن اليوم لو طالعه تحوشين برتقال وسوين عصير لابوچ وابن عمتچ أحسن اني اجيت اگلچ بس شفتچ يم الصحيات ويا ابن عمتچ سولفين بصوت ناصي واستحيت بعد اگلچ بسرعه صائب ألتفت عليه بس شنو فاتح عيونه على كبرهن بس بعدين ما اعرف شلون أتمالك نفسه وأصرف طبيعي وعمي حب شلون يغير الموضوع گال / والله اني عجبتني آيسن شلون گدرت بهاي الوقت القصير **بت محبة الكل وحتى من واحد يصيح عليها تگول هااا عيني وصحيح من تگول للواحد عيني قابل صدگ راح يصير عينها او تگول اغاتي قابل صدگ راح يصير اغاتها بس صائب ما علق على الموضوع وظل يگلب بموبايله وصفصف راحت اني شفت الوضع محرج بالنسبه الي گبل رحت لغرفة حميدة وبقيت ذاك الليل اتگلب شلون أخاف صفصف سمعت وتگول لصائب ومن التعب مال ذاك النهار والتفكير نمت وعلى ثاني يوم من الصبح نگعد لان نسوي ريوگ وبيهم يطلعون للزرع واحنه نبقى بالبيت نظف ونحضر الغده وسويت ريوگ لصائب وهو بالع** ما حسسني اكو شي بالع** يصرف طبيعي يعني الي يشوفه ما يگول اكو شي بدماغه والي سوه بعدين صائب ويا تعامله ويايه مستحيل واحد يصدگ هذا نفس الشخص تعامله ويايه يبين حبه ولهفته عليه وكل يسمعني كلام غزل حتى يخدر شكوكي من ناحيته وما أشك بي وشگد يگولون كيد النساء بس كيد الرجال أدهى وآمر وهذا شي اني جربته بنفسي بقينه على هذا الحال تقريبًا بعد الحادث ب 15 يوم واني بدت تظهر عندي حالات الدوخه والتقيأ واني كل هاي الفتره اخذ حبوب وجع راس اما لعبان النفس من أشرب اي شي حامض شويه تهدئ معدتي شويه ويرجع لعبان النفس عليه لهذا چان أحسن حل إلي إنه أظل بدون آكل الى ما بيوم بالليل صار عياط صفصف عالي وفلاح موتها كتل على شنو ماتفهم بحيث صائب واخوته بالگوه طلعوها من يمه وأني بالگوه گمت أشوف شبيها واكفه بباب غرفة حميدة وهي طلعتها عمتي وحميدة بحالة يرثى لها جابتها حميدة لغرفتها وهي تبچي ونسألها شبيكم ما جاوب بس تحچي شي ما معقول ما بي اي ربط بين الض*ب إلي نض*بته وكلام الي تگوله وماكو وحده تنض*ب هذا الض*ب كله علمود گالت لزوجها تريد چاي حتى حميده گالتلها/ اذا على تريد چاي هيچي نكتلتي لو گايلتله تريد نرگيله شنو نلگاچ بوادي السلام يعني دى يوحي إلها آنه كلامچ لا يصدق وهو فلاح نفسه آخذ فراش وراح بالصالة نام يم عمي وطرد صائب ويگله / روح لف مرتك بحضنك ونام بعدك عريس قبل ما تكفر بالدنيا من وراها وبالگوه قنع صائب يروح بغرفته اني راح بالي انه راح ينام وحده بس بعد ساعه اني التعب موتني من لعبان النفس وحتى بدت صخونه عندي وراسي يوجعني ندگ الباب صفصف عبالها فلاح وگالت لحميده/ خاف فلاح گليله صفيه تموت وبعد ما ترجع للغرفه وحميدة تضحك وتهز بيدها من فتحت الباب گالت / آيسن صائب يريدچ بالغرفه عسى تصالحين ويه صائب لانهُ الغرفة مالتي صفت كل وحده هاجرها زوجها تجي بيها راح افتح مكتب لوزارة الهجرة والمهجرين يمي عد أقلها نحصل رواتب بمكان ما گاعدات بلاش حتى من رحت للغرفه على صائب ما بالي شي كل ظني يريد شي اني دخلت للغرفه وهو واگف يخلي عطر اني شميت العطر لو احس الدنيا تفتر بيا وراح اتقيأ وصائب قفل الباب واجى أتقرب يمي وهو يگلي / اي نريد نتكاثر وتجي فطومه بس تشبه امها اني ما جاوبته وهو أستغل سكوتي وجر شالي وگلي شيعجبچ من الشعر الولادي عوفي بعد لا تگصي فهمتي وجرني من خصري عليه بعدني اريد أبعده عني وهو ظل يبوس بشفايفي واني ريحة العطر موتتني وأريد احچي ويا بس هو ما ينطي مجال گبل سحبني للفراش شگد قاومته بس من وهن جسمي وتعبي وصداع وتقيأ ما كانت ذيچ المقاومه لان بسرعه نزعني وصار فوگي وأني همي كاتمه حلگي حتى لا اتقيأ وهو دخل بيه بس بسرعه عافني وگام آول ض*به اجتي على وجهي ويگلي/ أنتي مو بنيه وأني اگول شلون تحملت واحد سكير وقبلت يعني شكي بمكانه أنتي مو شريفه وآني الگوا... إلي شال عارچ ويامن چنتي سوين هذا الشي ويا گوا... وبده ض*به بيه وض*به بالچلب وعياطي ملأ البيت واجوي فلاح واخوانه الا ما **روا الباب يله دخلوا چنت شبه راح افقد وحميدة وصفصف وعمتي دخلن الغرفه وعمتي تگول / أدري اليوم شنو هاي يوميه الهرجه بيت العرجه قبل ساعه فلاح ومرته وهسه صائب ومرته شلون ما نرتاح وابوكم رجال مريض يريد يتحرك حتى يجي عليك ما يگدر يتحرك وهو يجاوبها بعياط / بنت الگح... مو بنيه واني العار تلبست بيها والله اليوم الا اكتلها خلاص وراح على الكنتور طلع مسدسه وفلاح وأخوته لزموا اما اني من گوموني من الگاع مشيت مسافة خطوتين ونزل دم على رجلي وعمتي ظلت. تباوع عليه وتگلي هاي شنو عليچ العاده لو دم البكاره وظل يضحك صائب وگال لأمه/انتي بيا زمن بس أنتي على نيتچ وين اكو دم بكاره لونه على سواد نطت منو صفصف وگالت / انتي شنو حبله گاللها صائب/ اي حامل صار ربع ساعة لان بس آني احبل بربع ساعه ويبين الحمل لا وتگوم تنزف هاي هي جايتنه حامل حتى مجهودي ما تحتاجه ورجع هجم عليه يريد يض*بني بس اخوانه ما يخلوه وعمتي تگللهم/ يمعودين لا سمعون كلام هذا السكران خلينه نوديها للمستشفى ويصفه دمها ونخش بخطيتها وخطيه حميده جابتلي شال وعبايه على الراس لبست وصفصف شلون تعوف هيچي مشكله اذا ماتروح دقق واجيب أخر خبر ولازم يكون الخبر تازه ويسوه التعب لبست عبايتها وحميدة هم ويانه فلاح وصائب ورحنه على أقرب مستشفى وبس دكتوره خفر بعد الفحص الي اتخبل منه وصفصف تستجوب وتگلها للدكتوره / خطيه اليوم دخلتها وتأذت گالتلها الدكتوره / شنو دخلتها ماما هاي حامل وعنق الرحم مسدود يعني حمل دخلتها شنو جاهله گدامچ وهي وحميده تخبلن على شلون حامل وهي اليوم دخل عليها وظلن يباوعن عليه ويخزرن بيه وهي الدكتوره گالت / گومي لبسي اني ما عندي سونار حاليًا باچر اخذوها على دكتوره اخصائية وهذا العلاج جيبوا من الصيدلية مال المستشفى وتعالوا اني كل هذا الوقت عقلي ما دى يستوعب شلون حامل والدكتوره إلي اخذني عليها يزن مو انطتني علاج وگالت حتى لا يصير حمل لا والمصيبه حامل منين من أخويه من سجاد ظليت بس افر بعيوني بأرجاء الغرفه إلى ما اجتي صفصف وياها إبره وحده وياها شريطين حبوب بس مگصوص نصهن وهي تگول / خطيه الدولة فقيره المفروض نتبرع إلها لان تمر نتقشف والدكتوره تضحك عليها واني ض*بتني الدكتوره الإبرة واخذت العلاج وطلعنه ومن شافونه فلاح وصائب گالتلهم صفصف وهي تضحك مب**ك حامل العروس حبلت بربع ساعه وباچر تجيب لان خلصت مدة الحمل مالتها وهي يوم وصائب انجن يريد يض*بني بس فلاح جره من عندي ودفعه گدامه اني فلاح يخزر بيه وصعدنه بسيارة وصائب مره يفشر ويغلط عليه ومره يدعي على عمي وفلاح على انتوا جبتوها الي والا اني وين اشوف خلقتها الجايفه على هذا المنوال لمى وصلنه للبيت وهو يهد يريد بس يلزمني بس فلاح يلزمه دخلت أركض للغرفه مال حميدة أسمع صوت صائب يصيح وصياحه راج البيت رج وعمي وفلاح يگلوله بس اگعد خلي نفهمك ألي فهمته انه گايل / عمي اله هذا الحمل منك وكالعاده ناطتلهم صفصف گالتلهم/ شلون الحمل من عنده وهو أول ما دخل عليها بالليله العرس گبت العيطه وكتلها وطلعناها من يمه وهو بقى يباوع على عمي وفلاح هنا فلاح طرد مرته وهو يكفر من وراها وعمي گاله/ انه بالليلة الي چان سكران بالبستان انت م***بها لهذا اني زوجتها الك وهو باقي يضحك على شايفيني هندي اني بيومها چنت سكران ويه أصدقائي شلون اغتصبها وهي شجابها للبستان جاوبه عمي / انه اني چنت جايه ويا اهلي زياره وانه انت منطي قبول بدخول وائل للبستان وهو يصير ابن عمي وهو باقي يصيح ويغلط وانه هذا الشي ما صار بس گدروا يسكتوا مبادئياً بس هذا الكلام ما عبر صائب وبدت الحرب النفسيه والجسدية ويا صائب لانه صار حتى بالليل يبقيني أنام بالغرفه ويا حتى ياخذ حاجته ويهيني ويغلط عليه وبيوم بالليل نزلت على الدرج وعمي صاح منو اجيت گتله / إني عمي گال / تعالي اني صار كم يوم أريد احچي وياچ گعدت گال / شوفي اني عند وعدي وياچ وجاي بكل جهدي جاي أقنع صائب هذا الحمل منه بس حتى يسكت وما ينعرف المضموم بس مو معناها اني قابل اجيبن أطفال زنى محارم وتسجليهم بسم أبني ويورثون من عدنه بعد عمر طويل اني دى اسكته هاي الفتره لان بكل حال من الاحوال هو ما مصدگ وبس تولدين راح يعرف هذا الجنين مو منه لهذا انتي لازم توگعيهم وتخلصين قبل ما تنفضحين واحنه ننفضح وياچ ولا تگليلي هذا الجنين شنو ذنبه هذا الحچي اني ما ياكل يمي روحي شوفي طريقة توگعين هذا الجنين اني ما عندي رد گمت اني طلعت من الصالة صار بوجهي صائب بقيت جامده من شفته وهم نفس الوضع ما انطى اي ردة فعل بحيث تستنتج انه ما سمع شي عبرت من يمه وصعدت للغرفه واني بقلق نفسي شلون اصرف لازم ادخل يزن بالموضوع لان هو يعرف دكتوره شي يصرف بمعرفته بهذا الموضوع وعلى ثاني يوم نزلت أخذت ملابسي الجوه لان الموبايل إلي انطى الي يزن موجود بيهن وصعدت بغرفتي طلعت الموبايل والشاحنه وخليته على الشحن وفتحته وهم لگيت مكالمات ورسائل هوايه من يزن خابرته وبلغته بكل الي صار گال / يامعزايه شلون حامل مو اخذني العلاج بعد منين يصير حمل گتله/ منين يعني من قنادر سجاد اني ماكو واحد متقرب من عندي بس سجاد گال / يا ربي الي مزوجين يدفعون ملايين حتى يصير عدهم طفل وحتى للهند يرحون وما يصير والي عن طريق گواد....وزني بسرعه يصير گتله/ والحل يزن شنو راح نسوي گال / لازم نزل الحمل هاي الأيام انتظريني لان لازم الحمل أقل الشهرين ينزل لان اذا أكثر ما ينزلوه واذا عرف صائب الطفل مو أبنه ما راح يتردد ويذ*حچ لان انتي زوجته وهاي تعتبر خاينه زوجيه گتله / انتظرك تجي عليه على هذا الإتفاق خلص اتصالي ويا بعدها نزلت بلغت عمي بكل الإتفاق الي اتفقته ويا يزن وعمي وعدني انه من يجي يزن يخليني أروح ويا وللمغرب صعدت دى أنشر ملابس أتفاجأت من شفت صفصف واكفه ويا صائب على السطح وقريبين على تانكي المي واضح عليهم انه چانوا يحچون بموضوع وما يريدون احد يسمعهم وألا ليش هيچي منفردين وحدهم واصلًا اني أبد ما شايفه صائب يحچي وياها أبد هنا اكو شي بينهم وشي مهم وهذا الشي يخصني لآن آول ما شافوني أول شي نزلت صفصف وبعدين نزل وراها صائب بس بعدها صائب صار زين ويايه ويمثل آنه يخاف عليه وعلى حملي بس اني بالبداية عبالي انه يسوي هيچي حتى اكمل حملي وبعدين يثبت انه الطفل مو منه لهذا أنزل حملي حتى آمن نفسي وما يگدر يثبت عليه شي هذا كل تفكيري بس صائب اله حسابات اخرى انتظرت اسبوع كامل وما أجى يزن اتصلت بي ما جاوب بعدين رسل رسالة مكتوب بيها (آيسن لا تتصلين بيه وخلي التواصل بينه بالرسائل بس ) وهاي الرسالة چانت نقمة حياتي يتبع ملاحظه/ الى كل متابعيني الي ينورون صفحتي بتعليقاتهم الحلوه والي احبهم ويحبوني تحية لكم من القلب إلى القلب دمتم في آمان الله وحفظه أختكم الزهيرية الزهيرية تصويتكم يسعدني

Free reading for new users

Scan code to download app

App Store Google Play

Facebookexpand_more