البارت الثامن عشر

3026 Words

الحب لا يشيب ولو سقي بماء الوفاء والقلب لن يشيب وان شابت وجوه الزمان آيسن/ الثقه ألي مو بمحلها تكلفنه هوايه ونخسر بيها ومو كل خساره يمكن تكون فلوس مرات تكون خسارتنه صحتنه ومرات نخسر حياتنه لهذا بتعاملنه ويا أي شخص لازم اخلي نسبة فشل ولا انطي ثقتي كلها لان الخذلان راح يجيني بكل وقت وخصوصًا من الناس ألي نحبهم كيفما نثق بناس ما نعرفهم هذا چان حالي من وثقت بأُم وصال وسلمناها موضوع الاجهاض آني بعد ما انطتني ام وصال الابره وبيها سائل أبيض حسيت شلون واحد يرفعني ويرجع يشمرني وبعدها حسيت بيزن يصيح على القا**ه ويگلها / ولچ احچي شنو انطيتي إلها هاي دى تموت وهي جاوبه / انتوا مو تريدون تجهض هاي طريقتي بالاجهاض ومن أولد الابقار الى هاي الكلمه بعد ما حسيت بشي وما صحيت الا واني حتى جهاز التنفس على خشمي وحلگي واكو ضوه فوگ راسي قوي أريد أفتح عيوني ما اگدر من قوة الضوه بس بعدين أسمع وحده تحچي ويايه وتگلي / اگعدي يمعوده انتي ما بيچ خير والله من چنت أولد نعوشه چانت تزلطه منا وتگوم ترضع منا وأنتي حتى ما بيچ فايده من ابره وطحتي علينه أنوب زلمتچ خبل لعب بيه لعب يگلي البنيه گظت من وراچ اني حتى ما بيه حيل اجاوبها أحس كل شي بيه مربط وجسمي أحسه مورم شلون مثل القطن المنفوش احس بحرارة ويحكني واجتي الدكتوره ظلت تسأل بيه هسه شلونچ وشتحسين گتلها/ دكتوره جسمي يحكني وعندي حرارة گالت / هذا شي مؤكد لأن الابره إلي ماخذتها مال ح*****ت وانتي عندچ حساسية من البنسلين لهذا حتى جسمچ راح يصير ازرگ وسوه عندچ ضيق بالتنفس گالتلها ام وصال / شلون يعني هاي الابره مال شنو گالتلها الدكتوره / ألي ضاربها إبره ناطيها مال اللتهابات وهاي تخص الح*****ت مو مال بشر يا غلط يا يكون ما يعرف يقره يعني نشوف بعد اربعة وعشرين ساعه شنو المضاعفات الي صير عدها گالتلها/ يعني شنو هي ما سقطت حملها لو بعده جاوبتها الدكتوره/ ليش هي حامل غير تگولين هي حامل رجعت الدكتوره صاحت على ممرضة تجي تاخذني للسونار لان عندي حمل ولازم أشوف خاف صاير بي شي واجتي الممرضة وهي وام وصال شالوني بالبطانيه وخلوني على السديه واخذوني بس شنو من الورم عبالك وزني 200 كيلو گد ما منفوخه وصلوني لغرفة السونار ولكوني أعتبر حالة طارئه ض*بوا السره ودخلوني للسونار والدكتوره ام السونار خلت جل وهي تمشي جهاز على بطني وهي تگلي / شويه قللي من اكل الدولمه والبرياني صايره چنت نفاخه هسه شلون راح يولدوچ واكفه ام وصال لازگه يم شاشة السوناروما أعرف على شنو تباوع وهي متعرف تقره انوب تفهم بالسونار وتگللها لام السونار/ هذا ميت يعني شغلي مضبوط بعد بس تنزلوا گالتلها ام السونار/ وحضرتچ شنو شغلچ وبعدين ذوله أثنين مو واحد وما ميتين وبالع** صحتهم زينه وهي بداية شهر الرابع اني عبالي راح جيب طلعت بعدها بشهر الرابع ماما ضعفي اذا بشهر الرابع هيچي بشهر التاسع شلون ظلينه صافنين اني وأم وصال على بعضنه شنو ما بيهم شي لعد شنو هاي الابره الي ض*بتها ألي طلعوني على السديه بعد ما الدكتوره كتبت تقرير بحالتي ورجعوني للردهة وبعد حدود الساعتين اجتي الدكتوره وشافت التقرير إلي كتبته ام السونار وگالت / حبيبتي أنتي بيچ توم وكل شي ما بيهم صحتهم زينه ام وصال تخبلت وبقت تبچي والدكتوره تباوع عليها متفاجئة وتگللها/ يمعوده ما بيهم شي الأطفال لا تخافين وامهم ان شاء الله ما بيها شي نراقب حالتها اربع وعشرين ساعه ونشوف وام وصال جاوب الدكتوره/ اني معليه بيها هي وأطفالها يطبها مرض اني ابچي على نعوشه وفليحه وجويده والباقيات اني چنت انطيهم من هاي الابره وچانوا يولدون هي شلون ما اجهظت جاوبتها الدكتوره/ هاي الابره الي منطيها لهاي لبنيه مو مال ولاده هاي ابره مال اللتهابات وهي عدها حساسية سوت بيها هيچي اما الباقيات منو ما اعرف بس مستحيل إبره مال اللتهابات سوي ولاده وراحت الدكتوره وأم وصال تبچي نعوشه والباقيات شلون چانوا يولدون وهي إبره مو مال ولاده بعدها مر يوم كامل والمضاعفات الي عندي ضيق التنفس واجى أبويه بس خطيه ما يقبلون يدخل وام وصال بعد ما عبر يوم ونص هي ويايه كتبولي على خروج من المستشفى طلعت وچان يزن ينتظرني باب المستشفى بس شنو الورم الي بيه مو طبيعي أريد أصعد بالسياره ما اگدر ساعدوني أبويه ويزن بالگوه يله صعدت ويزن استلم ام وصال دگ رزايل على شلون ما تگولين أنتي تولدين هوايش وچانت البنيه راح تموت بسببچ وهي تگله/ يطبها حريشي آني بالي خطيه نعوشه بعدلها شهر وتولد وخطيه اني چنت اولدهن بإبرة الالتهابات گاللها يزن / أروح من يمچ راح جلطيني حايره بنعوشه وعايفه مريضتنه واجى صعد ركب بالسياره وهي تمشي ورا وتگله / وين أجرتي وهو يگللها/ لو تموتين المفروض اسجنچ مو انطيچ اجره وعليمن انطيچ اجره على صخام الوجه بس بعدين ظلت تتوسل بيزن وعلى اني ما عندي وعايشة على فلوس التوليد وعندي يتيمه وانطاها يزن كل ألي بجيبه ورجعنه للبيت وهم نفس الشده گوه نزلوني ومن دخلت عبالك فيل وداخل البيت والعجيبه اني هاي الدشداشة البنفسجي إلي لبستها منين مال منو ومنين جابوها ألي وعبايه على الراس والحجاب مال الاميره مالتي ماروني والنعال أخضر فسفوري الله شاهد الي يشوفني يگول مهرج لو ببغاء وانوب مورمه الي يشوفني ما ادري يضحك عليه ما أدري يبچي گد ما حالي يبچي الصخر من گعدت فتح يزن الموضوع مال زواجه مني وگال لأبويه/ خالي بعد أنت تدري احنه بعد ما فضحنه صائب الله يسطره ان شاء الله وأنه اني أبو لطفلها ما يصير نبقى بدون زواج شلون من تكبر بطنها وأنت تدري من طلگت حكم عليه لازم ازوجها بعد ما منها مجال أبويه وافقه بالكلام آكثر الأحيان أشعر نفسي مثل الثگيله ويريدون يخلصون مني وعلى هذا الشي تم الإتفاق واني من اباوع على نفسي والله اكره روحي على الصاير بيه وهذا الاتفاق صار بدون ماكو وأحد يدري بي لآن ابويه طلب من يزن يتكتم على هذا الخبر والايام إلي بعدها أشوف دموع الصبح من تطلع ومن ترجع المغرب وسجاد مثل الخفاش ما ينشاف إلا بالليل ومرت الأيام وأني بده جسمي يقل بي الورم بس ظهرت بي طگع زرگ بس الورم خف ورجع جسمي لوضعه الطبيعي حتى شعري بده يطلع بس خفيف بعده وخشمي راجعت عليه لان صاير بي انحراف وتقررلي عملية بس تكلف منو يدفع فلوسها اما سنوني خطيه رجع يزن رجعني على نفس الدكتور مال الاسنان وسوالي سنون متحركه بيوم ألي رجعنه بي من الدكتور الاسنان اتفقوا أبويه ويزن إنه بعد يومين نروح نعقد محكمه وبعد العقد راح يتفق ويا آهله انه يبنيلي غرفة ومطبخ وصحيات واسكن بيهن يعني مو ويه آهله هذا كله ماكو واحد يدري وبالفعل بعد يومين حضرنه مستمسكاتنه ورحنه للمحكمه قدمنه طلب مال زواج ولكون يزن شرطي كملوا إجراءات الزواج بنفس اليوم ويايه أبويه وهو وكيلي لكون قاصر كملنه ورجعنه بيها سمعنه مشاكل صايره بيت اهل يزن على مود دى يبني بالحديقه وهمه ما يعرفون المن هذا البناء لان زوجة يزن الاولى ماخذه الطابق الفوگ كله وموج وياسين ماخذين مساحة تقريبًا وره البيت 50 وبانيها وگاعدين بيها اما بعد موتت ابو يزن عمتي وبنتها بغرفة ويعرب بغرفة ومطبخ وصالة وغرفة ضيوف وصحيات ذني الطابق الجوه رغم المعارضات الي صارت بس يزن ما اهتم جاب مواد بناء وبده يبني وبخلال شهر كمل يزن البيت وچان حلو حتى بنه سياج بينه وبين اهله وبابي وحدي بيها تعافيت تمامًا جسديًا بس نفسيًا مدمره من كمل البيت مأثثه يزن واني دخلت بشهر الخامس وبطني بدت تكبر واني حامل بتوم بطني ذيچ صيح بالوجه حامل لهذا گمت ما اطلع وبعد ما كمل يزن كل شي أجى علينه وأتفق ويا أبويه إنه راح ياخذني يوم الخميس لبيته أبويه گله شلون ما تبلغ اهلك گال يزن/ أبلغهم اعتيادي بس اني ما راح نسوي عرس سكته أخذها منا وأدخلها لبيتي وفضت راحت يعني قبل ما اجي اخذها أبلغهم هذا الكلام چان يوم احد لهذا هو گال / تريدين باچر اجي اخذچ تشترين ملابس شنو تحتاجين لأن إني ما أعرف گتله/ ميخالف وهو ظل يباوع عليه واشرلي بمعنى تعالي بالگراج آني فهمت على حركته لهذا من سلم على أبويه وطلع إني طلعت ورا من صرنه بالگراج صرنه اني ويا وجه لوجه گال يزن / شوفي آيسن الفتره الي چنتي عايشه بيها ويا صائب هو الحقير چان مستغل رقمچ ويراسلني بحيث أقتنعت أنه انتي الي تحاچيني لهذا حبيتچ حب بس ربي يعلم بي لهذا يا بنت الناس احنه راح نعرس مال اتقربلچ إنسي انتي بالنسبه الي زوجه بس بالاسم حتى ما انام يمچ بالبيت أخاف بيوم نفسي تهواچ ما أسوي شي وكل طلباتچ مجابه شتريدين اني حاضر بشنو تحتاجين اني اجيبه الچ إما اطفالچ أمانه برگبتي ويسجلون بسمي وما اخلي واحد يگول اطفالچ بدون اب او اسم اب گتله/ يزن انت بالنسبة الي اخويه الچبير الي اعزه واعرف بنفسي بيوم اذا صير عندي شي اگدر انتكل عليه ما اگلك يجي يوم وأحبك هذا الشي ما يصير أبد إذا تريد من أولد طلگني ما عندي أشكال بس ما أنسى معروفك ان شاء الله بيوم الله يجازيك عني لان سترتني راح يزن واتفقنه على ثاني يوم يجي ياخذني للسوگ وبالفعل على ثاني يوم حدود الساعه 10 الصبح إجى يزن وطلعنه ورحنه للسوگ واشتريت ملابس ويزن اشترالي حلقة بس گال / حتى ايدچ لاظل فارغة نعوشه واني گلي نعوشه ظليت اباوع عليه صفح گال / بعد او تموتين ما اصيحلچ آيسن غير نعوشه ماكو لأن انتي من مراجعات ام وصال وانتي تعرفين شنو شغلها بعدها كملت كل مشترياتي گال / راح نمر على الصالون حتى تورحين ترتبچ ومو شرط إلا عرس يله تروحين هم تعتبرين عروس گتله/ يزن المن أروح للصالون شو هو اني حتى شعر ما عندي والمن هو أني گاعده بالبيت گال/ شوفي نعوشه الأنسان لازم تكون ثقته بنفسه يعني انتي من تهتمين بنفسچ مو شرط عندچ احد تريدين تعجبي لا اهتمي بنفسچ لنفسچ حققي هذا الشي لنفسچ الجمال الچ مو للناس فهمتي ومرينه على صالون وفهمته وضعي شافت شعري گالت / كل شي ما أگدر اسويله عوفي نشتغل عليه بروتينات وكريمات وانتي أخذي حبوب زيت السمك مستمره حتى لو حامل ما يضرچ شي لا تخافين إما وجهچ نسوي تقشير وتنظيف وحفافه ونشمر حاجب وجسمچ أنظفه وتقشير وثاني يوم تعالي عليه نخلي مكياج ونعدلچ وروحي الله وياچ وانفقت وياها على السعر وطلعت ليزن بلغته وهو هم وافق على السعر ورجعني للبيت وهو اخذ كل إلي اشتريته لبيتنه الجديد وبعدها قرب موعد روحتي ويا يزن لان ما اگدر اگول عرس لأن ماكو عرس لهذا اگول روحتي لان هاي أحسن تسميه أطلقها على يوم الخميس بشأن وجودي ويا يزن ومن يوم الأربعاء رحت لام الصالون الي ما قصرت لامن جسمي وجهي وحتى أظافري كملتني طلعتني المع بعدين گالت / طلعتي حلوة تجننين هاي بدون مكياج لو مكياج شلون طلعين بس بيچ عيب واحد گتلها / وهو گالت / خشمچ أعوج ليش ما سوي حرمات مضيع جمالچ گبل راح بالي على فلاح من ض*بني على خشمي بعدين گالت / عندي دكتور بشارع الكندي أختصاص انف وآذن وحنجره يسوي الچ والله وانطتني الكارت وخليته بجنطتي بدون إهتمام واجى عليه يزن ورجعت للبيت وهذا كله ولا دموع ولا سجاد يدرون لأن حمد لله ما يلفون بالبيت اما سجاد احاول بكل جهدي ما أصير گدامه وحتى خلقته ما يعجبني أشوفها وعلى ثاني يوم اجى يزن اخذني للصالون بس خليت مكياج ولبست جبه جديده أشتراها الي يزن وخلت الي الشال خليجي وحتى اظافيري صبغتهن وكملتني وطلعت ليزن الي لزم أيدي وصعدني بسيارته وهو هم صعد يمي وگال / ما شاء الله طالعه تجننين خلي ثقتچ بنفسچ اريدچ هيجي ولا تن**رين انتي ما سويتي شي تخجلين منه أنتي ضحية وإذا المجتمع ظلمچ لكونه مجتمع ذكوري انت صيري قويه ولا تخافين واجهي هذا المجتمع وهاي العادات الباليه ولأ دائمًا تحبين دور الضحية المن**ره لا انهضي بواقعچ هنا لازم أعترف انه اي شي صار وصلت اله وحتى ثقتي بنفسي چان الفضل كله اليزن لانه چان يشجعني وينطيني طاقه ايجابيه وصلنه للبيت وطلع المفتاح وفتحلي الباب ودخلت چان بناء وأثاث حلو ولكون ما بي گراج چبير بس على گد متر ونص لهذا السيارة وگفها باب البيت وهو معزول عن بيت عمه من دخلنه للبيت چانت حدود 5 العصر گالي يزن / هذا بيتچ ما الچ شغل بأحد لإن اكيد ما راح يعوفنچ بحالچ ومن هسه اگلچ ما الچ شغل بموج ل**نها ما يخاطب ل**نچ گتله/ أني أصلاً موج ما احچي وياها هي چانت ويايه بالبيت ما نتحاچه أنوب هسه وبينه حايط ما حچى شي بعد بس گعد على قنفه بغرفة النوم وگعد يگلب بموبايله اني اخذت ملابس وبالحمام وقفلته خصوصًا بعد الي سوه ويايه سجاد بدلت وطلعت وحتى شال خليت على راسي وهو من شافني ضحك ويگلي/ عيني نعوشه عليمن تخلين الشال على راسچ هو اني غريب بعدني ما مجاوبته وأسمع دگ على الباب مو دگ تگول اقتحام ت**ر الباب علينه وما أعرف شنو بعد ينض*ب بالباب وبعدين اكو على الحايط سنادين كلهن سمعنه تفليشهن بالگاع طلع يزن ويصير اقتحام على البيت من مسبه وغلط وفشار عليه من عمتي وزوجة يزن وبنته حتى وهجمن عليه يردن يض*بني بس يزن ما خلاهن وطردهن بس عمتي بقت تغلط وهي دى تطلع دخل ياسين بس شنو ظل فاتح عيونه على وسعهن ويگله ليزن / جبتلنه الگح... للبيت هسه تطلع لا والله أخلي طلقه براسها وصار مصايح بين ياسين ويزن انتهت مضارب بالأيادي وعمتي تلطم على وجهه وتگلهم / ولكم كافي تتكاتلون على مود گح.... بس ما يفيد واثناء ما واحد يض*ب الثاني انطوا دفعه لعمتي وگعت ويزن دفع ياسين وهذا عثر بعمتي وگع عليها وهي عاطت گام ياسين من عليها ويزن هم گومها بس متگدر تعيط شالها يزن وطلع بيها يركض ورا ياسين الي گالي / دخلتي نار جهنم برجلچ تحملي الي راح يجيچ مني اذا ما خليتچ تحچين ويا نفسچ اني مو ياسين أحفظي كلامي ولا تنسي خلي ترچيه بأذنچ واني خفت رحت أركض قفلت الباب الخارجي وباب المطبخ هم قفلته وگعدت ارتب بعد العركه صار هوسه وهاي أول ساعتين الي هنا هيچي بعدين شلون وزواجي من يزن جر عليه ويلات بقيت گاعده ما اعرف وين أروح شغلت التلفزيون وتف*جت آكثر من مسلسل وانتظرت يزن بس ما رجع عليه بعد صارت الساعه 1 بالليل هو ماكو نمت بعد تعب نهار كامل ما حسيت غير الصبح الساعة 6 الباب تندگ خفت بالبداية بعدين وگفت من شباك المطبخ صحت منو جاوبني يزن افتحي الباب ومن سمعت صوت يزن حسيت بالأمان ما اعرف وجود يزن يمثلي الامان رحت جبت المفتاح وفتحت الباب ودخل يزن گال / بالليل اجيت الساعه 2 دگيت الباب وما فتحتي عرفت چنتي نايمه لهذا راح اجيبلچ موبايل حتى من أجي تفتحيلي الباب مو ادگ الباب **رتها حتى الجوارين طلعوا من بيوتهم وأنتي ماكو گتله/ اگلك وعمتي شبيها گال / وگعت ياسين عليها سوت عدها **ر بعظم الفخذ وسولها عمليه خلوا بلاتين والباقي على الله شافني ساكته گال / نعوشه تعشيتي البارحه هزيت راسي بالنفي گال / يله سوي چاي راح أجيب **ون وأرجع كملت الچاي وهو جاب **ون وريوگ گعدنه نتريگ وكملنه راح هو على دوامه وآني بقيت بالبيت وبقه هذا وضعي تقريبًا شهر وشوية اني الباب ما طالعتها ويزن كله ينام يم زوجته الي هي ضرتي حتى يثبت الها أنه مزوجني حتى بس يستر عليه واني صدگ التزمت بكلام يزن وصرت اهتم بنفسي والله مو غايتي الفت أنتباه يزن او شي بس لنفسي ومو حتى اطلع حلوه گدام احد لا المهم اطلع حلوه بعين نفسي إما يزن من يدخل ويشوفني هيچي يظل لو يباوع عليه لو يفتر بالبيت تحسه قلق بس من شنو ما اعرف وبعد شهر جابلي موبايل وحديث وحلو اني گاعده على السرير اجى گعد يمي وگال / هذا موبايل الچ جبته شوفي بي ميزات حلوه وأني من دى اخذه من عنده تقصد يلزم أيدي سحبته من عنده بعدين تقرب يمي حتى يعلمني أنتبهت على أيده ترجف عبالي بي شي من سالته شبيك گال / هذا حالي من اتقرب عليچ لان احبچ بس اني انطيتچ وعد مالي علاقه بيچ ما حچيت شي ما اعرف ابد ما يرف گلبي على يزن ولا بيوم حبيته بس نگدر نگول نماشي الظروف لا آكثر ودائماً يروح بالي على صائب آلي حبيته وأريد بس أسمع اخباره او صوته بس شلون واني نگطعت منهم بعدها بدت محاولات يزن من آنه انطي مجال واقربه من نفسي بس هذا الموضوع اني حاسمته نهائياً وصارحته انه ما أحبه اذا يريد يطلگني اني موافقه وهو تخبل من سمع كلامي على انت الظاهر عندچ واحد لهذا ما تمكنيني من نفسچ على هذا الشي بدت الخلافات بيني وبين يزن وبده يذمر من كل شي وما يعجبه شي واني دخلت بشهر السابع ورحت على دكتوره الي أكدت اني حامل بتوم ولد وبنيه وإني حتى احسهم نقمه عليه على الرغم همه ما الهم ذنب وبعد مرور شهر ونص اني يم يزن اندگ الباب العصر ومن طلعت من وره. الباب صحت منو گال / اني مبلغ من المحكمه ظليت متفاجئة بعدين گتله/ عيني المن التبليغ گال / ليزن گتله / عيني بهذا البيت إلي بصفي راح وأني دخلت للبيت بعدها بربع ساعه دخل يزن يرعد وهو يگلي / سمعتي الگوا... سجاد شمسوي گتله / شنو شسوه گال / سجاد مشتكي عليه ويتهمني اني مزوجچ زواج باطل لأن إنتي قاصر وابوج مخرف بهيچي وضع الگوا....يثبت انه اني وانتي زواجنه باطل لان هو الوصي عليچ ولازم العقد عليه توقيع موافقة الگوا...الارهابي سجاد ظليت صافنه وما مستوعبه كلامه بعدين گتله/ واذا سجاد گدر يثبت زواجنه باطل شيصير گال / مصيري يصير بيد سجاد الي ان شاء الله سجد بالگبور لان يعتبر هذا تزوير بالأوراق الرسميه وانسجن حسب ماده القانون انه زواج قاصر بدون موافقة ذويها يعني خطيه راح يتأذى يزن گتله/ يزن رجعني لأهلي أحسن ما تنضر انت شنو ذنبك واجى ض*بني يزن وچانت هاي أول مره يض*بني وهويگلي / اي حتى تروحين والگوا .... شوكت ما يعجبه ي ... الظاهر عاجبتچ السالفه لان سجاد بعده شاب مو مثل يزن اني بقيت متفاجئة من ض*بته وحچيه الي يلعب النفس بس ما جاوبته وهو هم شافني بس دموعي نزلت وما جاوبته عافني وطلع ومرت أيام عليه سوده بسبب تعصيب يزن الي كل ما يقرب موعد المحكمه يتوتر آكثر واني يدخل ويطلع من يمي هو يحملني المسؤولية واجى يوم المحكمه الاكشر ولكون المحكمه ما طالبتني لهذا ما رحت بس يزن ويعرب والمحامي وراحوا واني بيوم المحكمه قبل ما يطلع يزن الصبح مر عليه وگالي / لا تخافين آيسن خاف يصير شي ما اريدچ اطلعين منا أبد هذا بيتچ واريدچ قويه گتله/ يزن ليش احس عبالك دى تودعني گال / آيسن مثل ما گتلچ وصيري قويه مثل ما علمتچ وعافني وراح بس شنو أحس روحي راحت وأحس كأنهُ بعد ما اشوف يزن وأرجع اگول اسم الله ان شاء الله يرجع بالسلامة ظليت بقلق نفسي هسه يجي يزن وبعد شويه يرجع يزن وصار الظهر وآني إتصل على رقم يزن ويطلع مغلق وطلعوا عمتي وياسين يتصلون على يعرب ويزن واثنينهم يطلعون مغلق الى ساعه 1 الظهر أجى الخبر المفجع انه القاضي حكم ببطلان الزواج وانه تم إلقاء القبض على يزن بتهمة الزواج من قاصر بدون موافقة أهلها يعني اعتبرواخ*ف وزواج من قاصر والمحامي/ أعترض من انه اني حامل من يزن وحكم القاضي بعد الولادة ينسب الأطفال الى يزن وينحكم بنفس الوقت (3 سنوات ) يتبع ملاحظه الى كل متابعيني الأعزاء الي منورين صفحتي بتعليقاتهم الحلوه تحية لكم من القلب الى القلب دمتم في أمان الله وحفظه أختكم الزهيرية الزهيرية تصويتكم يسعدني

Free reading for new users

Scan code to download app

App Store Google Play

Facebookexpand_more