Arlene
“SIGURADO ka ba na may relasyon kami?”
“Oo!” Arlene wanted to laugh upon seeing Lucas’ reaction. Nakakunot ang noo nito habang ang mukha ay waring takang-taka. May nababasa rin siyang disgust sa mukha nito habang nakatingin kay Ariana na natutulog uli. Napagod yata sa pagtatahi ng kasinungalingan.
“Arianna kailangan ko uli ang tulong mo.” Pasimple niyang hinatak ito palabas ng kwarto. Sinamantala niya habang nagpapaliwanag si doctora kay Lucas tungkol sa sakit nito.
“Ano po?”
“Nabanggit mo sa akin kanina sa emergency room na narinig mong sabi ng mga bumugbog kay Lucas na patay sila kay Mayor.”
“Opo, yun nga ang narinig ko. Natatakot siguro sila kasi sikat na artista si Lucas at dahil sa nasasakupan niya nangyari ang pambubogbog,
