Chapter 26: Senon
Zeph's POV
Sa pagdilat ng mata ko ay agad akong tumingin sa kaliwa't kanan ko, nakikiramdam na baka may kung ano pang panganib ang nakaamba. Masyado pang sariwa sa aking alaala ang nangyari kagabi.
Bumangon ako sa pagkakahiga at umupo, sapo ko ang sugat ko sa tagiliran. Masakit pa din pero nang tignan ko ito ay may benda na, halatang ginamot na.
Tatayo sana ko kaya lang kumirot ang sugat ko kaya nanatili nalang akong nakaupo. Pero hindi iyon naging hadlang para makapag-matiyag ako sa paligid. Tinignan ko ang bawat sulok ng kwarto, halata sa itsura ng kwarto na panlalake ito. At ang amoy, hindi naman masama pero ayoko ng amoy.
Naging alerto ako sa pagbukas ng pinto. Naningkit ang mata ko sa lalaking pumasok nang ngumiti siya sa akin, may dala siyang tray ng pagkain. L
