HINDI makapaniwala si Summer sa sinabi sa kaniya ni Sister Beth. Si Colton ang bagong may-ari ng lupang kinatatayuan ng bahay-ampunan? Paano nangyari iyon?
Oo nga at hindi naman lingid sa kaalaman niya na private property ang lupang iyon. Pero sabi naman nina Sister Beth at Mother Silvie noon ay dinonate na iyon ng may-ari para patayuan ng bahay-ampunan para sa mga batang inabandona ng mga magulang o wala ng mga magulang.
“Paanong nangyari iyon, Sister Beth? Akala ko ba ay dinonate na ng may-ari ang lupang ‘yon para patayuan ng bahay-ampunan.”
“Iyon din ang pagkakaalam namin ni Mother Selvie at totoo naman iyon. Kaya lang hindi pala naasikaso ng dating superyora noon ang titulo ng lupa at ang may-ari pa rin ang nagbabayad ng tax sa munisipyo. Nalaman lang namin no'ng may taga-Barangay n
