NANG matauhan si Summer mula sa pagkakatulala niya ay mabilis na sumunod siya kay Colton at lumabas ng stockroom, pero agad din siyang natigilan nang makitang kausap na ng lalaki si Sister Beth.
“Maraming salamat, Mr. Ferrero.” Narinig niyang sabi ni Sister Beth sa lalaki. Mangiyak-ngiyak pa ito. “Tatanawin namin ito ng malaking utang na loob sa inyo.”
Kinabahan siyang naglakad palapit sa mga ito.
Kaagad naman na napunta sa kaniya ang tingin ni Sister Beth. Nagulat pa siya nang mangiyak-ngiyak na niyakap siya nito.
“Maraming salamat sa pagkumbinsi sa boss mo, Summer.” Sabi nito sa kaniya.
Ha? Kumalas siya sa pagkakayakap kay Sister Beth at naguguluhang tiningnan niya ito. Anong kumbinsi ang sinasabi nito?
Maliban sa pagtatalo nila ng lalaki kanina dahil sa pagpapa-transfer nito sa
