ISINANDAL ni Gregory ang likod sa swivel chair niya ng makaramdam siya ng pananakit ng likod. Tumaas din ang isang kamay niya para masahiin ang batok ng makaramdam din siya ng pangangawit do'n.
Saglit naman niyang ipinikit ang mga mata niya para ma-relax iyon. Kanina pa kasi siya nakatutok sa screen ng laptop niya at medyo masakit na din iyon. At nang medyo ma-relax ay iminulat niya ang mga mata at agad na tumuon ang tingin niya sa suot na wristwatch at do'n niya nakita na alas nueve na pala ng gabi. Dahil sa pagka-busy ay hindi niya namalayan ang oras. Hindi na din siya na-inform ni Simon dahil naka-leave ito ng araw na iyon.
Nagpakawala naman siya ng malalim na buntong-hininga. Umalis siya mula sa pagkakasandal niya sa headrest ng swivel chair niya. Isinarado na din niya ang laptop ni
