GICCA'S POINT OF VIEW
Nagre-reflect sa aming mala-salamin na kutis ang iba't-ibang kulay ng swimming pool. Napakalakas ng tugtog dito sa loob, sina Aljon at Jane ay humahataw habang sina Shang at Marvin naman ay naroon sa bar corner, nag-iinuman at nagkukwentuhan.
Kami ni Marco? Heto sa swimming pool. Tinuturuan niya ako lumangoy. Ilang taon na ba ako? Hindi pa rin ako marunong lumangoy.
"Babe naman. Ganito nga dapat 'yung mga braso mo." naiinis na si Marco sa akin habang ako ay tawang-tawa lang sa kaniya.
Medyo nalalasing na rin kasi siya, kanina pa siya hinahatiran ng rum ni Marvin. Kailangan niya raw ng maiinom lalo na't tuturuan niya raw akong lumangoy. Ewan ko ba sa kaniya.
"Ginagawa ko naman ah, pero bakit hindi ako gumagalaw?" nakanguso kong tanong.
"Ganito kasi dapat, oh...
