Hindi niya ako pinilit na tumabi sa kaniya. Palingon-lingon ako sa pintuan at naiisip na tumakbo na lamang paalis, pero ang isipin pa lang na hahabulin niya na naman ako ay nanginginig na agad ang mga tuhod ko sa pagod at takot, at pakiramdam ko ay hindi pa ako nakakalayo, mahuhuli niya na ako nang tuluyan!
Doon ako nahiga sa malapad na sofa at masiyadong tuwid ang katawan. Hindi ko rin inaalis ang tingin sa kaniya dahil pakiramdam ko ay may gagawin siyang hindi maganda.
Nagbihis ako ng pants ngunit ang pang-itaas ay nanatili na lang. Isang itim na pencil cut skirt ang suot ko kanina bilang uniform, puting shirt, at mayroong itim na bow tie. Ang shirt na lang ang naiwan at pants na bigay niya sa ‘kin. Hinila ko ang kumot hanggang sa aking leeg at binalot ang sarili roon na kahit ang mg
