“Jusko, ‘day! Sigurado kang si Thomas pa rin ‘yon? Ba’t parang nag-ibang tao? Parang… naiiba ang dating niya ngayon! Iyong tingin, parang ngayon ka lang nakita at nabighani sa ganda mo? Parang gusto ka niyang kainin, Mara!” sabi ni Annie habang hindi pa rin tinatantanan ang pagdating ni Thomas.
Kung hilahin ako sa isang gilid, para bang isa itong estrangero at natutulala sila. Wala sina Aling Carmen at Mang Ricardo. Umalis daw kaya kami-kami lang. Tulad nina Annie, nagulat din si Ate Corine.
Kinagat ko ang labi dahil base sa mga reaksyon nila, para bang naninibago rin kay Thomas. Ganoon din ako. Pakiramdam ko nga ay pinoproseso ko pa rin ang kaniyang pagbalik.
“Annie…” Nag-init ang mukha ko sa sinabi nito.
“Ang gwapo ng asawa mo. Parang… marami yatang babae ‘yan? Kaya siguro kayo n
