“Puwede bang huwag muna tayong umuwi?” tanong ko sa kaniya. Natigilan naman siya at tiningnan ako t’saka tumango.
“Saan mo balak pumunta?” aniya.
“Hanap ka riyan sa tabi-tabi. Inom tayo, pampalimot lang,” sagot ko. Hindi naman siya nagreklamo. Sinunod nga niya ang request ko at huminto kami sa tabi kung saan may mga tables. Bumaba na ako at kaagad na napatingin sa menu nila sa mesa. Nilapitan naman kami ng isang babae.
“Hello po, ano po ang sa inyo?” tanong niya.
“Pa-order ng sisig at beer,” sagot ko. Tumango naman siya. Tiningnan ko si Landon at umiling siya.
“Babantayan lang muna kita. Hindi ako puwedeng malasing dahil ihahatid pa kita pauwi,” aniya. Tumango naman ako. Hindi nga naman puwedeng lasing kami pareho. Nagsimula na akong uminom at kaagad na nalasahan ang masarap pero
