Chapter 14: To believe
NAMUMULA ang mukha ni Bruce at hindi makatingin sa dalawang naglalaro ng baraha sa kama dahil sa pagkapahiya.
"Sorry, p're, nasira ko yata ang lock," pagpapaumanhin niya.
Parang balewala naman kay Tom kahit nasira ang pintuan.
"Heh… Tatawag na lang ako ng mag-aayos niyan. Come here, Bruce! Sumali ka na lang sa amin. Malungkot kasi itong sekretarya mo kaya inaya ko na mag-card game kami," saad ni Tom.
Dahil ayaw ni Bruce na iwanan ang dalaga nang mag-isa kasama si Tom, pumayag siya.
Umupo agad siya at pinagitnaan ang dalawa. Malalim ang mga tingin na ipinupukol ni Bruce sa dalaga.
"Ano ba ang laro n’yo?" tanong niya nang hindi inaalis ang tingin kay Karissa.
"Tong-its."
Hindi alam ni Bruce kung paano laruin ang bagay na iyon pero handa siya na alam
