Chapter 15: To believe
HIYANG-HIYA si Karissa dahil nasaksihan ni Bruce ang sitwasyon niya na basta pinalayas ng tinitirahan. Hindi naman ito nakiusisa sa iba pang detalye kung bakit siya pinapalayas ng babae.
"Ako na po ang bahala sa gamit ko," sabi niya lang dito.
"Saan ka tutuloy?" tanong nito habang pinapasok ang gamit niya sa supot.
Wala siyang maisip na isagot dahil wala pa rin siyang naiisip na tutuluyan. Wala siyang ipon, ilang buwan pa lang siyang nagtatrabaho at nagamit niya pa iyon sa enrolment niya. Bigla niyang nakita ang leopard print niyang underwear na hawak ni Bruce. Hinablot niya iyon at siya ang nagpasok sa loob ng supot.
Binitbit nito ang trashbag kung saan naroon ang mga damit niya matapos na masinop ang lahat ng nakakalat sa hallway.
"A-ako na, boss," nahihiy
