"Anong ginagawa mo rito?" nanghihina ang boses na tanong ni Queensley pagbukas niya ng pinto.
Ilang minuto ko muna siya pinagmasdan at hindi ko maintindihan kung bakit ako nakaramdam ng galit. Ang putla kasi ng mukha niya at kita sa mga mata niya ang panghihina. Hindi ko sinagot ang tanong niya at diretsong pumasok ako sa loob ng bahay niya. Narinig ko ang pagtawag niya sa pangalan ko pero hindi ako lumingon. Narinig ko na lang ang pagsara ng pinto at napangiti ako. Dumiretso ako sa kusina at pinatong sa counter ang mga pinamili ko. Ramdam kong nakasunod ang tingin niya sa akin. Una kong nilabas ang mga prutas para hugasan.
"Mark, ano ba ang ginagawa mo rito?" narinig ko na tanong niya habang isa-isa binubuksan ang mga kabinet.
Nakahanap ako ng lalagyan kung saan ko pwede ilagay ang mga
