“He is my bodyguard. Hindi ako papasok sa loob kung hindi siya kasama,” mataray ang pagkakasabi niyang iyon sa tatlong guard na nakabantay sa malaki at mataas na pintuan na yari sa bakal sa paanan ng malaking tila bundok na kinatatayuan.
Nagtataka pa siya kung bakit doon sila dinala ng driver ni Gold na sumundo sa kanya. Pero hindi na lang siya umimik. Ngayon ang itinakda nilang pagsakatuparan ng planong pabagsakin si Gold Salazar. Kung kaya kahit saan siya dalhin nito ay ayos lang basta matapos lang ang kanyang problema..
Malakas ang ulan noong gabing iyon. Kasama niyang sumakay sa loob ng sasakyan si James na tauhan ni Mr. Hanashi. Ayon sa matanda ay ito na daw ang bahala sa kung anong gagawin ng lalaki basta isasama niya ito sa loob. Sa totoo lang ay may kaba siya sa dibdib, at ma
