Ilang minuto lang din ang nakalipas nang ma-rescue sina Malaya at Gold mula sa gumuhong tunnel ng mining site na pag-aari ni Gold Salazar. Pagkakuha sa kanila sa loob ay agad silang dinala sa pinakamalapit na pagamutan para magamot ang kanilang mga natamong sugat.
Sa ospital na pinagdalhan sa kanila ay inilagay sila sa magkahiwalay na kuwarto. Palibhasa ay mas maraming natamong sugat ang lalaki ay dumaan pa ito sa maraming eksaminasyon, partikular na ang pag-xray sa ulo nito at inindang likuran ng balikat. Tiningnan din ang ilan pang mga natamong galos at pasa sa buong katawan nito.
Si Emerald pagkatapos na masiguradong okay naman ito ay pinayagan na ito ng doctor na umuwi.
Dahan dahan niyang binuksan ang pintuan ng kanilang bahay nang makarating doon ala una na nang madaling araw.
