SANDRYNNE'S POV
"Alam mo, Sandrynne...sa totoo lang hindi biro 'yung...pinagdaanan ni Harris. Totoo 'yung sinabi n'ya sa interview. Hindi talaga naging madali para sa kan'ya nu'ng umalis ka. He suffered a lot."
"Akala namin noon, brokenhearted lang s'ya kaya s'ya gano'n. Pero late na naming nalaman na may iba pa pala s'yang dinidibdib."
"Ang sabi n'ya tama ka raw. Noong una hindi namin s'ya maintindihan, hanggang sa...nalaman na lang namin na sinisisi pala n'ya ang sarili n'ya sa pagkamatay ni Jenica at ng Mama Jane mo, pati na rin sa pakikipaghiwalay mo sa kan'ya. Dahil do'n ilang beses s'yang nagtangka na mag-suicide."
Pagkatapos ng lahat ng pinagdaanan niya bakit parang gusto niya pa rin akong makasama?
Yumuko ako at pinagmasdan ang mga kamay ko. Hindi ko siya magawang tingnan a
