“YOU’RE AVOIDING me….again!” Iyon ang mga unang salitang narinig ni Ysay kay Miguel pagkatapos ng ilang araw na pag-iwas niya dito. Nahimigan niya ang akusayon sa tono nito.
Araw iyon ng sabado at nag-half day lang siya sa farm. Ayaw pa niyang umuwi kaya dumiretso siya sa bayan ng lalawigan gamit ang owner nila. Nag-ikot-ikot sa isang maliit na mall doon na katabi lang din ng Supermarket kung saan niya nakasabay si Miguel sa pamimili.
Gusto lang niyang abalahin ang sarili at huwag mag-isip-isip. Ilang araw na simula ng huling pag-uusap nila ng binata. At simula ng araw na iyon ay naging matamlay na siya. Tuluyan na niyang iniwasan si Miguel at walang araw na hindi niya ito naisip. Ilang beses niyang muntikang sagutin ang mga tawag at text messages nito pero pinairal niya ang pagiging ma
