NAKATINGALA si Ysay sa mataas at malaking bahay na iyon. Ang mansiyon ng mga Monzon. Iyon ang araw na dinala siya ng binata sa bahay ng pamilya nito. Nauna na nitong nabanggit na hindi ito roon tumutuloy kundi sa penthouse na pinagdalhan sa kanya dati. Pero dahil magbabakasyon siya ay doon muna sila titigil ng binata.
Ang bahay ng mga Monzon ay kay linis tingnan. May mahaba-habang garahe mula sa gate bago marating ang mismong harapan ng bahay. Pinaghalong kulay krema at puti ang bahay. May pagkaluma ang itsura ng bahay pero nahaluan ng pagiging moderna. Para sa kanya ay isang masterpiece ang bahay ng mga Monzon. May tatlong palapag ito at may malawak na bakuran na sigurado niyang may swimming pool sa likod.
May kaba siyang nararamdaman dahil makikilala niya ang mga magulang ni Miguel. Al
