“GOOD MORNING Ate Ysay!” iyon ang naging bungad sa kanya ni Nobel ng umagang iyon.
Napagbuksan ito ni Ysay na hawak ang tatlong pula at malalaking rosas.
“Good morning Nobel.” bati niya rito. Kinusot niya ang mata dahil nanlalabo pa iyon. Pasado alas sais palang ng umaga at masyado pang maaga.
“Para sa iyo Ate. Galing kay Sir Miguel.” Iniabot nito ang mga bulaklak sa kanya.
Sumilay ang ngiti sa kanyang labi ng abutin ang mga bulaklak. Buong gabing nasa isip niya ang nobyo o mas tamang sabihing simula ng magkahiwalay sila sa airport ay ito na ang laman ng isip niya. Gabi na ng makarating siya sa bahay nila ng nagdaang gabi. Hindi rin siya kaagad nakatulog kakaisip sa binata.
At madaling araw na siya nakatulog dahil sa pagod. Paggising kanina ay ang binata kaagad ang pumasok sa isip
