┈┈┈┈◦•✩•◦┈┈┈┈
Tahimik lang si Arquiz. Nakaupo siya sa balkonahe, nakatingin sa malayo habang hawak ang mamahaling bote ng alak... isang rare label na hindi mo basta-basta mabibili kahit na isa kang milyonaryo. Manghihinayang ka sa halaga ng isang bote lamang nito kaya kahit na milyonaryo ka, hindi mo ito lilingunin.
Nandito siya ngayon sa hacienda ni Raegan, dito sa Itogon, Benguet. Malamig ang hangin, tahimik ang paligid, malayo sa magulong mundo sa syudad ng Manila. Dito madalas maglagi si Raegan kapag gusto niyang makapag-isip o kaya ay kapag gusto niyang mag-relax ng walang gumagambala sa kanya.
Ang hacienda niya ay hindi basta ordinaryong hacienda lang na makikita sa ibang lugar na may malaking bahay at may malaking lupain. Ibang-iba ito sa hacienda ni Raegan. Sa laki at lawak ni
