MABILIS na binasa ni Nicole ang sulat na ginawa niya at itiniklop na iyon. Parang may nakadagan sa kanyang dibdib at lalo pang pinapatindi ng malakas na kaba. May pagmamadaling inempake niya ang sariling mga gamit. Wala siyang ideya kung anong oras babalik si Art at hindi na siya nito dapat na abutan.
Binalot ng panibagong kaba ang dibdib niya nang marinig ang paghinto ng isang sasakyan sa tapat ng bahay. Nakahinga siya nang maluwag nang isang taxi ang matanaw niya. Iyon ang taxi na tinawagan niyang susundo sa kanya. Isinara niya ang buong bahay at sumakay na sa taxi.
“Ma’am, malayo po ang La Union,” sabi ng driver nang sumakay na siya.
“Handa akong magbayad. Basta dalhin mo ako sa isang hotel doon. Ako na ang bahalang magbigay ng tip sa `yo. Bilisan mo lang ang pagmamaneho. Pero mag-in
