Hinihila na niya pababa ang panty ko nang marinig ko ang sigaw ni Kakai. “Hayop ka! Demonyo ka!” Napadilat ako at nakita ko si Kakai na hinahampas si Nicolo gamit ang mga kamay niya. “Pinalampas ko lahat, pero ito hindi ko na kaya!” Napatayo si Nicolo na hindi malaman ang gagawin. Nakalabas pa ang ari niya at bumabagsak ‘yung pantalon niya habang sinasarangga ng mga braso niya ang bawat hampas ni Kakai.
Napaupo ako at napaurong sa sulok ng sofa habang tuloy-tuloy pa rin ang pag-agos ng mga luha ko. Narinig ko ang mga nagmamadaling yabag ng mga paa nina Ate Mimi at Tasha na pababa ng hagdan. Binuksan nila ‘yung ilaw kaya mas lalo kong nakita kung paano hampasin sa galit ni Kakai ang boyfriend niya. Natataranta na si Nicolo habang sinasarado ang pantalon niya na hindi niya magawang itaas an
