Kasalukuyan akong tumutulong kay Ate Jen ngayon sa paggawa ng buko salad. Specialty kasi talaga ‘to dito sa bahay tuwing may fiesta.
“Paki-abot nga ako ng gulaman, Je,” pahayag naman ni Ate kaya kinuha ko na ito.
“Ito Ate,” tugon ko. “Nga pala, nasaan si Papa? Kanina ko pa siya hindi nakikita noong dumating kami, eh.”
“Umalis at kinuha ang inorder niyang laman ng baboy sa bayan. Magluluto kasi siya ng dinuguan mamayang gabi at dadating sila Shaine dito.”
“Oh? Silang lahat?”
Hindi ko naman akalain na dadating ang mga pinsan namin dito ngayon. Ilang fiesta na rin kasi ang dumaan na tuwing sa araw lang talaga sila ng fiesta pumupunta at umuuwi rin agad kaya ngayon ay mas natuwa pa ako.
“Oo. Wala na raw kasing trabaho si Tita Lar kaya makakapunta sila ngayong besperas.”
Napangiti nama
