ALIANA
Dahil sa pagiging tsismosa ko hindi naubos ni Nay Salud ang pagkain niya. Hindi ko na lang din tinanong si Nay Salud tungkol sa anak-anakan niyang si Joyce baka lalong malungkot ang may-edad na babae.
Kahit OA na ako sa mga pakwela kong kwento ay ginawa ko na lang upang bumalik ang Nanay Salud na masayahin.
"Aliana, paano ako'y tutungo muna sa kwarto ko ha? Wag ka ng mag-alala sa akin dahil okay na ako. Ay sandali anong gusto mong minandal mamaya?" nagliwanag ang mukha ko sa tanong niya sa akin.
Napapalatak pa ako. "Ayun Nay, pwedi po bang sopas at gusto ko po maraming carrots," bilin ko sa kaniya.
Napangiti ito kaya masaya ako. Nakalimutan na nito ang lungkot kanina. "Siya sige. Tamang-tama at narito na si Martha, marami akong pinabiling carrots at maraming p'wede pag gamitan,
