Galit na hinarap sila ni Aling Carmen, pagkarating ng kanilang bahay.
"Bakit hindi mo sinabi sa akin ang tungkol kay Shanaya, ha Carmela?" Kumuha pa ito ng isang baso ng tubig at uminom.
"E 'nay, si Johnny po ang nagsabi sa akin no'n." Napakunot-noo si Carmela. Kilala ng ina niya si Shanaya?
"Kailan mo pa nakilala ang Shanayang iyon, Johnny?" Sasagot sana si Johnny, pero naunahan na siya ni Carmela.
"Bakit 'nay, kilala mo si Shanaya?" Lumapit pa ito sa puwesto ng ina. Tumayo naman ang kaniyang ina at nagpalakad-lakad. Hindi mapakali.
Huminga muna ito nang malalim bago tumingin sa kaniya.
"Oo at mapanganib siya. Kung anuman ang nangyari sa kaibigan at kaklase ninyo, wala na tayong magagawa roon. Humiling sila at ginusto nila iyon," mahinang paliwanag nito.
"Pero... pero paano ninyo p
