الحب الثانى

البارت الثالث 💕

سراج :ادم خلاص مش لازم تفكر فى اللى حصل يالا قوم غير هدومك عشان معتز زمانه جاى "ثم يترك ولده ويصعد الى الغرفه " ثم يدخل معتز

(معتز لسراج )؛مساء الخير ياعمى

سراج :مساء النور يابنى «ثم يكمل »معتز يابنى ادم مش كويس واكيد زمانه دلوقتى بيفكر فى اللى حصل وانا مصدقت انه نسى الموضوع دا وبقى طبيعى ومش عايزه يرجع تانى لحالته القديمه •

معتز: طيب براحه كده ياعمى وفهمنى ايه اللى حصل انا كنت معاه فى الصبح وكان مبسوط

(سراج بحزن) ؛ اصلى افتكر موضوع الشركه واللى حصل لما فلست وافتكر موت ......."ثم قطعه معتز "

معتز : خلاص ياعمى انا فهمت انا هاطلع اشوفه دلوقتى

سراج :حاول يابنى انك تتطالعه من الحاله والذكريات الوحشه اللى هو عايش فيها دى انت الوحيد اللى بتقدر تساعده

معتز :انشاء الله ياعمى

**************************

(وفى بيت عبد الحميد )

(ندى وهى تصفق ومبسوطه ): يابنى انا مش قولتلك كالعاده الاهلى هو اللى هايفوز عيب عليكم بقى بطلو تتحدونا "ثم يعلو تصفيقها وهى تقول اهلى اهلى الاهلى يابلاش واحد غيره مايلزمناش "

ياسر :ماخلاص صدعتينى ماكنش حتت ماتش دا فوزتو فيه وبعدين يكفينا شرف المحاوله

(ندى بضحك واستهزاء ):خليكم بس انتو كل اللى فالحين فيه كل ماتخسرو تقوله ياكفينا شرف المحاوله انا بصراحه مش عارفه هاتفضلو تحاولو لغايه امتى انا من راى انى الزمالك يعتزل العب ويطلع بكرامته احسن

ياسر :بس يابت بلا يعتزل احنا فريق عنده عزيمه واصرار واكيد المره الجايه هانفوز

ندى : طيب يااخوى خليكم عايشين باامل انى تفوزو فى يوم المهم يالا يا بابا عايزه الشوكولاته حالا ادى الاهلى فاز يالا انزل هاتلى شكولاته

ياسر :انزل فين دلوقتى انتى ع**طه بكرا ابقى اجبلك

(ندى بتهديد ):هاتنزل بذوق ولا اروح اقول لى سوسو مين اللى **ر طقم الكوبايات الجديد وعلى فكره سوسو دلوقتى عامله زى ظابط المباحث ودايره تحقق فى الجريمه وعايزه تعرف مين المجرم اللى عمل كده ولو سالتنى احتمال اضعف قدامها واقولها على الحقيقه لكن لو نزلت زى الولد الشاطر تجبلى شكولاته الشكولاته هاتخلى ل**نى ماينسحبش منى ويقولها على الحقيقه

ياسر : لا ياعم تقوليلها ايه بس هى ناقصه الشبشب يشتغل خلى الشبشب مرتاح وانا هانزل جرى اجبلك احسن شوكولاته يعنى هو انا عندى كام ندوش

ندى : ايوه كده ناس مش بتيجى غير بالتهديد

(ياسر بصوت واطى ) ياعنى اشوف فيكى يوم ياندى يابنت ام ندى

"ندى "؛ بتقول حاجه يا ياسر ياحبيبى اصلى مش سامعه كويس

ياسر ؛ابدا ياروحى انا بقول نازل اجبلك الشكولاته

(ثم يخرج عبد الحميد من الغرفه ) ايه الدوشه اللى انتو عاملينها دى الواحد مش عارف ينام حرام عليكم

ندى ؛ انت صحيت كويس انك صحيت عشان انا من الصبح كنت عايزه اتكلم معاك فى موضوع بس مستنيه نبقى لوحدينه

عبد الحميد : خير يابنتى فى ايه ؟!

ندى : اقعد يا بابا وانا هاقولك

عبد الحميد : مادام قولتى بابا يبقى اكيد الموضوع جد بقى !!

ندى : ايوه يابابا الموضوع جد وانا ماحبتش اتكلم مع ياسر عشان مش واثقه انى هو هايسمعنى ولا يوافق بابا انا عايزه أنزل اشتغل !!

عبد الحميد ؛ تشتغلى تشتغلى ايه لا طبعا مافيش شغل غير لما تخلصى كليتك

ندى : بابا ارجوك اسمعنى للاخر انا روحت لدكتور اللى متابعه معاه ماما وقالى انى التحليل بتاعتها وحشه وانى الدواء بتاع القلب مش جايب نتيجه معاها وقالى ماينفعش نااجل العمليه بتاعتها اكتر من كده عشان فيه خطر على حياتها ولو اتاخرنا اكتر من كده ساعتها حتى العمليه مش هاتجيب نتيجه وانت عارف انى العمليه غاليه قوى وفلوس المعاش بتاعتك ومرتب ياسر مش هايعملو حاجه

فلازم اساعدكم عشان نقدر نعمل العمليه لى ماما هى بتستحمل الوجع وعمرها مابينت انها تعبانه بس هى فعلا تعبانه ومش كويسه والتحليل والاشاعات بتوع الشهر دا بيثبتو انى حالتها بتتراجع وانا مش هاستحمل انى اخسرها ، ارجوك يابابا خلينى انزل اشتغل انا النهارده شوفت اعلان فيه شركه طالبه وحده تشتغل فى الحسابات وانشاء الله يوافقوا عليا

عبد الحميد : بس يابنتى انتى لسه فى الكليه ومافيش شركه هاتقبل بواحده لسه متخرجتش

ندى ؛ بس يا بابا ماتنساش انى انا واخده كرسات كتيره قوى وكمان c.v بتاعى بيبين انى متفوقه دا كفايه انى واخده تلات سنين امتياز

عبد الحميد : طيب متعرفيش مين صاحب الشركه

ندى : ااه هى الشركه لواحد اسمه ادم سراج الدين !!

عبد الحميد : لا مستحيل ومش لاقيه غير دا ؟! دا بيقوله عليه تعامله وحش قوى مع المواظفين وبيشغلهم عنده زى الخدامين

ندى : يا بابا طول ماانا بعمل شغلى صح يبقى ليه اخاف ؟!!

(عبد الحميد ) : مش عارف يابنتى اقولك ايه ؟ رغم انى قلبى مش مطوعنى انى اخليكى تشتغلى وتهملى فى كليتك بس اعمل ايه ربنا يف*جها من عنده بقى ونقدر نعمل العمليه لى امك

ندى : متخافش عليا يا بابا انا لو وافقوا عليا فى الشغل هااجل موضوع الكليه كده لغايه ما ماما تعمل العمليه بس ادعيلى انى يوافقوا عليا

عبد الحميد : ربنا معاكى يابنتى

انا هادخل بقى عشان ادى امك العلاج بتاعها عشان لو مافكرتهاش عليه بتنساه

*******************************

( فى منزل سراج الدين )

« ادم يمسك صوره ويضعها على قلبه والدموع بين جفونه » ثم يدخل معتز

معتز : ادم انت مش هاتنسى بقى

(ادم بحزن )ّ : وحشتنى قوى يامعتز مش قادر انسى شكلها وهى بتموت قدامى وانا مش قادر اعملها حاجه كنت صغير ساعتها وعاجز

انا اصلا عمرى مانسيتها عشان افتكرها ومش هايهدالى بال غير لما اخد حقها وانتقم من كل اللى كانو السبب فى موتها

لازم احرق قلب كل شخص كان السبب فى انى يتحرق قلبى عليها

معتز : بس انت كده بتنتقم من نفسك لازم تبقى قوى عشان تقدر تاخدلها حقها وكمان لازم تبقى قوى عشان ابوك هو مالهوش غيرك دلوقتى

(ادم وهو يمسك الصوره ) : بوعدك انى هاخدلك حقك مهما ما عدت السنين مش هارتاح غير لما اشوفهم بيتعذبو زى ماانتى اتعذبتى

معتز : يالا بقى يابطل قوم عشان نطلع نشم شويه هواء

ادم : معلش يامعتز سيبنى انا حابب ابقى لوحدى

معتز : تبقى لوحدك ازاى لا طبعا ماينفعش

ادم : قولتلك سيبنى دلوقتى وانا هابقى تمام

معتز : طيب انا هامشى بس خليك فاكر انك انت عيل فى كلامك عشان متفقين انى احنا هانحتفل وخليتنى اجيب نص كيلو لب معايا عشان نحتفل وادينى هاكل الب وحدى

ادم : انا مش عارف هافضل لغايه امتى اشرحلك انى انا مش بحب الب ومش باكله اساسا وانى انت اللى بتحبه وكده كده بتاكله دايما وحدك عايز تلبسنى جريمه وخلاص يالا ياد اطلع برا مش ناقصين تفاهه

معتز ؛ مااشى ياعم متشكرين دا جزاتى انى جبتلك الب اللى بتحبه

ادم : ياااخى اطلع برا الله يحرقك انت والب فى يوم واحد والله العظيم تانى مش بحب الب ايه المصايب دى

( انتظرو البارت الرابع من روايه الحب الثانى )

واتمنى اشوف رايكم واقتراحتكم 1- ياترا ادم هايقبل انى ندى تشتغل عنده وهى لسه فى الكليه ؟؟

بتمنى الفصل يعجبكم

بقلم : Enas