الحب الثانى

البارت الرابع 💕

ادم : انا مش عارف هافضل لغايه امتى اشرحلك انى انا مش بحب الب ومش باكله أساسا وانى انت اللى بتحبه وكده كده دايما بتاكله لوحدك عايز تلبسنى جريمه وخلاص يالا ياد اطلع برا مش ناقصين احنا تفاهه

معتز ؛ مااشى ياعم متشكرين دا جزاتى انى جبتلك الب اللى بتحبه

ادم : ياااخى اطلع برا الله يحرقك انت والب فى يوم واحد والله العظيم تانى مش بحب الب ايه المصايب دى

معتز : خلاص ياعم طالع ماتزقش وحقه نسيت اقولك انى انا عملت اعلان عن وحده تشتغل فى الحسابات بدل اللى حضرتك ماشيتها ياونى البنت مش غلطت فى حاجه هى يادوب كانت بتقول رايها

(ادم بتعصيب ) : انا معنديش حد يقول رايه فى اى حاجه كل المواظفين اللى عندى يشتغلو شغلهم وبس لكن رايهم يخلوه لنفسهم

معتز : انا مش عارف بصراحه امتى هاتتخلص من الشخصيتين اللى انت عايش بيهم دول ؟!!

ادم : لم انتقم واخد حقى ساعتها يمكن ارتاح شويه

معتز : طيب ياعم بما انى السهره باظت اروح بقى عشان انام

***************

(وياتى صباح جديد ويوم جديد يوم مميز لدى ندى ملئ بالامل والتفاؤل بعد ليله متعبه وهى تحاول اقناع ياسر باان يوافق على انها تشتغل وتستيفظ ندى وترتدى ملابسها بكل حماس ونشاط )

ندى : صباح الخير ياسوسو

سعاد : انتى برضو هاتروحى تقدمى على الشغل؟!!

ندى : ايوه ياماما ادعيلى بس انتى

سعاد : رغم انى مش مقتنعه بس هاقول ايه ربنا معاكى

ندى : يالا بقى انا ماشيه عشان متاخرش على المقا**ه

سعاد : مش هاتفطرى وبعدين تتاخرى ايه دا لسه بدرى

ندى :- معلش ياماما عشان بيقوله انى المدير صعب يالا باااى

سعاد : ربنا معاكى

*******************************

(اما فى بيت ادم فهو يستيقظ كالعاده يفعل بعض التمارين الرياضيه فى الغرفه المتخصصه للرياضه ولا احد يعلم عن تلك الغرفه سواء والده

حتى الخدم لم يعرفو شئ عن تلك الغرفه

ثم بعد ذلك يااخذ شور ويرتدى بدلته الانيقه ثم يتناول القهوه والفطور الذى يحتوى على الاكل الصحى ثم بعد ذالك يذهب للشركه ويدخل الشركه كالعاده بكل كبرياء وشموخ )

واثناء دخوله اصتدم بفتاه تبدو كالملائكه وهى ندى

ندى : انا اسفه خالص ماكنش قصدى

ادم بعصبيه : ايه هو اللى ماكنش،قصدك انتى غ*يه مش تفتحى !!

(ندى بنفاذ صبر ) : ايه يااخينا انت ماقولت اسفه ليه عاد قله الذوق بتاعتك

(ادم بااستغراب ) : اخينا !! وقله ذوق !! انتى متعرفيش انتى بتتكلمى مع مين وبعدين مين اللى سمحلك تدخلى الشركه اساسا ؟؟!!

ندى : اولا لا معرفش حضرتك مين ومش مهم اعرف انت مين لانى اخرك هاتكون موظف هنا وثانيا انت ايه دخلك مين اللى دخلنى هنا !!

(ادم لسه هايتكلم قطعه معتز )

معتز : ادم انت جيت طيب واقف عندك ليه

(ندى وقد ظهر عليها الصدمه وردت بصوت مهزوز ) : ه..و..ا...نت ادم بيه صاحب الشركه ؟!!

(ادم وهو يقضب حاجبه ) : عرفتى بقى ايه دخلى فى دخولك الشركه

(معتز وهو يفكر ) انا شوفتك فين قبل كده

ايوه افتكرتك انتى البنت بتاعت الفول ؟!!

(ندى بااستغراب ) فول فول ايه ؟!!

معتز : اصلى انا شوفتك فى مطعم قبل كده وانا رغم انى كنت لسه فاطران بس دخلت عشان بصراحه كنت حابب اتعرف عليكى بس مع الاسف انتى مشيتى قبل ما اتعرف عليكى وادبست انا فى الفول ههههه

ندى باابتسامه : على العموم حصل خير

(ادم بعصبيه ) : اسيبكم انا مع ذكرياتكم انا مش فاضى للكلام الفاضى دا

(ثم يتحرك ولكن صوت ندى يوقفه )

ندى : حضرتك انا كنت جايه اتقدم على وظيفه الحسابات اللى عاملين اعلان عنها

ادم بعدم اهتمام : خلى معتز يعمل معاكى المقا**ه «ثم يمشى على مكتبه »

ندى ؛ اف الحمدلله عدت على خير انا قولت انه مش هايوافق يخلينى اعمل المقا**ه

(معتز بااستغراب ) ليه ؟!!

ندى : اصلى انا من شويه خبطت فيه من غير قصد وقولتله اسفه بس هو قل ذوقه معايا فاانا الصراحه اتعديت حدودى معاه قوى

معتز : غريبه دى !!!

ندى : ايه هى اللى غريبه ؟!!

معتز : اصلى ادم عمره ما سمح لحد انه يغلط فى حقه ويتعدى حدوده حتى بكلمه واحده !! وانتى رغم انك اتعديتى حدودك معاه بس هو وافق انى اعمل معاكى المقا**ه دى اول مره يعملها هو بيفصل المواظفين هنا من اقل غلطه !!!

ندى ؛ اكيد دا عشان ربنا عارف انا قد ايه محتاجه الشغل هنا

معتز ؛ طيب على العموم حصلينى على مكتبى عشان اعمل معاكى المقا**ه

***************************

( فى مكتب ادم )

ادم : ( بيخبط فى المكتب بعصبيه) ؛ هو ايه اللى بيحصل معايا دا انا ليه اتعصبت قوى لما لقيت معتز بيكلمها وطلع يعرفها من قبل كدا ؟! ايه اللى خلانى مقدرش استحمل اشوفها بتبتسم ليه؟!!

وسبتهم ومشيت وايه اللى خلانى اوافق انى تعمل المقا**ه ؟! رغم كل الكلام اللى قالته معرفش طلعتلى منين دى كمان جت فى الوقت الغلط

***************************

( فى مكتب معتز )

معتز : بس انتى لسه فى الكليه بتدرسى

ندى : ايوه ودى اخر سنه ليا بس الظروف اجبرتنى انى اسيب الكليه السنه دى وادور على شغل

(معتز بفضول ) : ممكن اعرف زى ايه الظروف دى ؟! انا اسف مش قصدى ادخل فى حياتك ولا حاجه ولو مش حابه تقولى عادى

ندى : اصلى ماما مريضه بالقلب ومحتاجه عمليه والعمليه طبعا عايزه فلوس كتيره فاانا قررت انى اشتغل واساعد ابويا واخويا فى فلوس العمليه

(معتز بااستغراب ) : الف سلامه ليها بس تعرفى انى انتى فعلا مافيش منك اليومين دول

ندى : شكرا خالص دا من ذوقك

معتز : على العموم من ناحيتى انا موافق على شغلك لانك باين عليكى شاطره بس طبعا لازم اخد راى ادم وبعدين ارد عليكى

ندى : اوكى شكرا خالص

معتز : العفو

(وتخرج من المكتب وتمسك الموبايل وترى مكلمه من خالد )

(ندى ببرود ) : نعم يا خالد عايز ايه ؟؟

خالد : عايزك ياندى !!

ندى : خالد دا مش وقته كلام فى الموضوع دا عشان انا دلوقتى فى الشركه كنت بعمل مقا**ه شغل لما اروح ابقى اكلمك

(خالد وهو يتصنع الحزن ) : لا ياندى انا مش هاقدر استحمل لغايه ماتروحى انا لازم اشوفك ضرورى فيه حاجات كتيره عايز اقولك عليها

ندى : قولتلك مش وقته دلوقتى لو سمحت

خالد : ندى لو سمحتى انتى ارجوكى دى اخر مره اطلب منك طلب

ندى : مااشى قولى هانتقابل فين وانا اجيلك

خالد : لا قوليلى عنوانك وانا هاجى اخدك

ندى : طيب تمام هابعتهولك

*********************

( فى مكتب ادم يدخل معتز )

معتز : سمعت انك هاتروح المصنع !!

ادم : ايوه حابب اشوف الشغل هناك ماشى ازاى انت عارف انى الصفقه دى مهما وماينفعش اى غلطه

معتز : عشان بعد الصفقه دى ما تتم هاتقدر تنتقم ودا اللى انت بتحلم بيه من سنين صح ؟

ادم : صح يامعتز انا مش هارتاح غير لما اخد حقى

معتز : ادم انت متاكد انك عايز تنتقم يعنى ممكن تسام.....

ويقطع كلامه ادم بعصبيه

ادم : اوعى تنطقها وتقولى سامح انت الوحيد اللى شوفت العذاب اللى اتعذبته ولو نسيت عذابى مش هانسى ذلت ابويا ابدا

معتز : خلاص يادام اللى يريحك اعمله « ثم يكمل »

بما انى السواق بتاعك واخد اجازه فاانت صعبت عليا وهاعمل فيك جميل واكلم السواق بتاعى يجى يوصلك

ادم : لالا ياعم مافيش داعى للحنيه بتاعتك دى انا كده كده بحب اروح من الطريق المختصر فامش محتاج للسواق فى حاجه

معتز : طيب تمام براحتك • انت هاتمشى دلوقتى ولا بعد الشغل ؟؟

ادم : لا أنا مااشى دلوقتى

**********************

( ندى وخالد فى السياره )

ندى وقد بدا يدق الخوف بداخلها عندما رات خالد يسير فى طريق لا يوجد فيه احد طريق يشبه الصحراء فى هدوءها

(ندى بخوف شديد ) : خالد هو احنا رايحين فين

(خالد ببرود شديد) : ابدا رايحين فى حته نتكلم شويه عشان عندى كلام كتير عايز اقوله ( كنت مااجله من زمان ) قال هذه الجمله بطريقه مخيفه ارعبت ندى

(ندى بارتباك وخوف شديد ) : بس مااعتقدش انى الطريق دا ممكن يكون فيه اى كافتيريا نقعد نتكلم فيها

(خالد بخبث ) : ومين قالك هانتكلم فى كافتيريا

(ندى وقد بدات دقات قلبها تتسارع من شدت الخوف ) ي..ع..ن..ى ايه ؟!

(خالد باابتسامه خبيثه ) : يعنى ياحبيبتى كلها شويه وهاتعرفى

( ندى بصوت مزوز ومرتبك ) ؛ ل..و.. سمحت ياخالد وقف العربيه انا عايزه أنزل

( خالد بضحكه شريره ): تنزلى ؟! تنزلى ايه ياشاطره انتى فاكره انى دخول الحمام زى خروجه ؟؟

( ندى بصراخ ) : خالد بقولك نزلنى حالا ياامه هانط من العربيه !!

( خالد باابتسامه خبيثه ) : عايزه تموتى يا حلوه لا لا مايهونش عليا الجمال دا كله يموت احنا بس هانتكلم كلميتين وبعدها روحى مكان ماتروحى

( ندى بدموع ) : انا عندى اموت ولا اخلى واحد حقير زيك يلمسنى

( خالد وهو يقبض على شعرها بقوه ) : ندى احسلك تحترمى نفسك انتى دلوقتى تحت رحمتى

( ندى بدموع وصوت عالى ) : سبنى ياحقير كان معاهم حق لما قالولى انك حقير ومستحيل تتغير بس انا كنت عميه عشان حبيت واحد زباله زيك

( خالد وهو يضحك بصوت عالى ) : ههههه اتغير ؟! وهاتغير عشان مين عشانك انتى دا كل ما فى الحكايه انى كنت صابر عليكى بس بصراحه انتى اتعديتى حدودك وماينفعش اصبر عليكى اكتر من كده

( انتظرو البارت الخامس من روايه الحب الثانى )

وحابه اشوف رايكم واقتراحاتكم 1- ياترا ندى ايه اللى هايحصل فيها وياترا خالد هايعمل اللى فى دماغه ولا ايه اللى هايحصل ؟؟

?تابعونى ?

❤Enas ❤