الحب الثانى

البارت السابع 💕

مش ادم اللى يوعد وعد ويخلف بيه انا وعدك انى جوازنا صورى وعمرى ماهقربلك ولا استغل انك مش فى وعيك .... وانا مش بحب حد يلمس حاجه تخصنى وانتى تخصينى عشان كده انا اللى غيرتلك هدومك ومتخافيش ماكنتش شايف حاجه عشان كنت مغمض عنيا .... ولابستك قميص من عندى لغايه ماتوصل هدومك الجديده اللى طالبتهالك ... وااه حقه اوضتك جاهزه تقدرى تقعدى فيها عشان زى ماانتى مش عايزانى معاكى انا كمان مش عايزك معايا

ندى بدموع ... امال اتجوزتنى ليه مادام مش طايقنى ؟؟؟

ادم بااستغراب ... مش طايقك ؟؟!! مش عارف انتى بتجيبى الكلام دا منين على العموم مع مرور الوقت هاتفهمى كل حاجه

وتركها خلفه تبكى وذهب

ندى :- يارب انا عملت ايه فى حياتى لكل دا ؟؟؟

كله بيكرهنى انا مش عارفه انا عملتلهم ايه عشان بيكرهوني كده

***** **** **** ****

ادم فى الخارج

لازم ياندى اعرفك مين هو ادم واخليكى ازاى تحترمينى ... الطيبه مش نافعه مع ل**نك الطويل يبقى لازم اعلمك الادب من اول وجديد

ادم للخادمه بصرامه .... طلعى الفطار لى ندى هانم فوق وتديها العلاج .. وتخلى عينك عليها عشان لو احتاجت اى حاجه وفيه هدوم كتيره هاتيجى كمان شويه تحطيهم فى غرفه ندى هانم مفهوم

الخادمه ... مفهوم ياادم بيه

&&&&& &&&&& &&&&

ويذهب ادم الى الشركه

فى مكتب ادم

معتز لى ادم .... ادم انا درست الملف بتاع الوفد الالمانى كويس بس لقيت صفقه زى دى محتاجه سيوله كبيره واحنا لسه ماضيين صفقه كبيره يعنى معندناش سيوله كافيه ولو مضينا على الصفقه دى الشركه مش هاتقدر تتحمل كل المصاريف واحتمال تفلس

ادم ... يعنى ايه يامعتز انا لازم امضئ الصفقه دى بااى طريقه اتصرف يامعتز.

معتز ... مافيش غير طريقه وحده

= ايه هى

معتز ... انى احنا نطلب سيوله من حاتم

ادم ... طيب ايه المقابل

معتز بتردد ... انه هايبقى شريك معانا

ادم بعصبيه ... نعم على اخر الزمن اجيب واحد يتحكم فيا وفى شركتى

معتز ... اهدى ياادم وفكر بعقلك الصفقه دى مهمه قوى واحنا هايبقى لينا الحق انى نلغى الشراكه فى اى وقت احنا عايزينه استنى بس نمضى الصفقه دى والشركه تعدى الازمه الماليه ساعتها هانقول لى حاتم شكرا على خدماتك ونديله جزء من الارباح ... ومتنساش انى احنا هانمضى اكبر صفقتين يعنى ارباحم هاتودى الشركه فى حته تانيه ... انا عارف انى انت مش حابب انى حد يدخل فى شغلك ولا يتحكم فى قراراتك بس لو انت عايز تحقق انتقامك من شريف يبقى لازم تستحمل وتقدم تنازلات

= بس تفتكر حاتم هايوافق بعد اللى عملته فى بنته دا انا ض*بتها ومشيتها من الشركه

معتز بثقه ... وهو دا اللى هايخليه يوافق عشان

" هنا " هاتبقى عايزه تنتقم من اللى انت عملته فيها فاهتجبر ابوها انه يوافق عشان تبقى مديره فى الشركه وتاخد راحتها فى الانتقام

ادم وهو يرفع حاجبيه... يسلام يعنى انا ابقى عارف انى هى عايزه تنتقم منى واسلملها رقبتى

معتز ... هاتوافق ياادم عشان مافيش حل تانى غير كده ومتخافش انا مش هاشيل عينى من عليها وهارقبها كويس

******* ****** ****** ******

أما فى المستشفى عند سعاد

عبد الحميد ... اهو ياستى الدكتور كاتبلك على خروج

سعاد بحزن ... بس انا مش عايزه اروح على البيت

عبد الحميد بااستغراب ... ايه اللى حصل دا انتى من اول مافوقتى وكنتى بتقولى انك عايزه تمشئ ايه اللى اتغير

لترد وعيونها تلمع من الدموع .... مش هاقدر ادخل البيت وندى مش موجوده فيه مش متخيله شكل البيت من غير ندى حاسه انى هو هايبقى عباره عن حيطان بيت من غير روح لانى ندى هى اللى كانت بتخلق الروح فى البيت بضحكها وبعصبيتها وبجنونها .. ثم تضيف باابتسامه .. حتى ل**نها الطويل هايوحشنى قوى

عبد الحميد بحزن ... سعاد ندى غلطت ولازم تتعاقب

سعاد بتسرع ... ندى ماغلطتش ندى كان كل هدفها انى هى تنقذ حياتى وبدال مانكون معاها ونقف جنبها ونقدر اللى هى عملته كلنا جينا عليها ولومناها

عبد الحميد بااستغراب ... انتى اللى بتقولى كده !!!!

يعنى عاجبك انى هى باعت نفسها لى واحد حقير استغل مرضك عشان يحقق اغراضه فى ندى وهى غ*يه باعتله نفسها

= بس ادم مش وحش زى ماانت فاكر وبعدين هو متفق معاها انى هو مش هايقرب منها

ليرد عليها عبد الحميد بعصبيه ... امال انتى فاكره هو اتجوزها ليه مدام مش هايقربلها هو ضحك عليكم بكلمتين وانتى وندى عشان غلابه صدقتوه لكن انا عارف الاشكال دى كويس

&&&&& &&&&& &&&&

اما عند ندى فكانت تشعر بالملل فهى اول مره تجلس فى مكان كل هذا الوقت فهى تعشق الحركه فقررت ان تخرج من الغرفه ... وتنزل ثم تتجه الى المطبخ

الخادمه ... حضرتك عايزه حاجه اعملهالك

ندى :- لا بس انا حابه اعمل قهوه

الخادمه ... تقدرى تستريحى ياهانم وانا هاعملك القهوه انا كده كده كنت لسه هاعمل لى سراج بيه القهوه

ندى :- خلاص مافيش داعى انا هاعمله معايا بس هو فين ؟؟

= فى الجنينه ياهانم

ندى باابتسامه ... مافيش داعى لى هانم دى انا اسمى ندى وبس ياريت انا زى بنتك

الخادمه بلطف ... انتى فعلا فى نفس سن بنتى تقريبا ... بس مهما كان العين ماتعلاش عن الحاجب انتى مرات ادم بيه ماينفعش انديلك بى

اسمك

= بص انا مش بحب الرسميه ياريت فعلا تعتبرينى زى بنتك ونتعامل على الاساس دا واكيد مافيش ام بتقول لى بنتها ياهانم صح

الخادمه باابتسامه ... ربنا يحميكى يابنتى.يابخت ادم بيه بيكى .. هو طيب ويستاهل كل خير واكيد بعد اللى حصله ربنا حب يعوضه بيكى

ندى بااستغراب ... هو ايه اللى حصله ؟؟!!!

= قصدى على موت امه

ندى بتساول ... هو انتى هنا من زمان

الخادمه .... ايوه يابنتى دا انا اللى مربيه ادم هو زى ابنى بظبط وكمان من ساعت ما امه اتوافت وهو بيعملنى زى مايكون امه

= هى امه اتوافت ازاى

لترد الخادمه باارتباك وصوت مهزوز ... هااا قضاء ربنا يابنتى ربنا عايز كده

وقد شعرت ندى ان الخادمه تعرف شئ وان موت ام ادم لم يكن امر طبيعى مثلما قالت الخادمه

ندى لى سراج ... قهوت حضرتك

سراج باابتسامه ... ما بلاش حضرتك دى انتى دلوقتى زى بنتى يعنى تقدرى تقوليلى بابا ... وبعدين ايه مش هاتقعدى ولا انتى مش حابه تشربى القهوه معايا

ندى باابتسامه ... لا طبعا اكيد حابه " ثم تجلس"

سراج :- بصى ياندى يابنتى ادم قالى على كل حاجه وقالى على الطريقه اللى اتجوزك بيها وانا عارف انك معتقده انى ادم استغل وضعك ودا من حقك لانى طريقته كانت غلط ... بس انا عايزك تفهمى حاجه انى اوقات كتيره بنتجبر انى ناخد قرارات معينه فى حياتنا وماينفعش انى احنا نبرر موقفنا ولا نشرح احنا ليه خدنا القرار دا لانى مش بنبقى عايزين نعرض حياه حد بنحبه للخطر .. ادم مش وحش زى ماانتى فاكره وانا مش هاقولك كد ايه هو طيب بس هاسيبك تتاكدى من دا بنفسك بس كل اللى عايز اقولهولك انى زى ماانتى اتجبرتى تعملى كده عشان امك هو كمان كان مجبور انه يعمل كده ويستغل وضعك بالشكل دا

ندى بحيره ... بس انا مش فاهمه هو ايه اللى جابره يعمل كده ... انا كنت رايحه ليه وعندى امل كبير انه هو الوحيد اللى هايساعدنى لقيته بيستغل وضعى ومالقتش اى حل قدامى غير انى اقبل الوضع عشان انقذ امى

= قولتلك يابنتى فيه حاجات معينه ماينفعش انى احنا نشرحها بس انتى لازم تعذريه ومع الوقت هاتفهمى كل حاجه

ندى بحزن ... بس ادم خلانى وحيده والكل تركنى بسببه انا حاسه انى مافيش حد بيحبنى

سراج وهو يربت على كتف ندى بحنان.... خليكى واثقه انى ادم زى ماخرب حياتك هايعدلها ويصلح الامور وصدقينى ادم اللى انتى تعرفيه غير ادم فى الحقيقه

ندى بفضول .... هى ام ادم ماتت اذاى ؟؟؟!!

سراج وقد تغيرت مالمح وجهه = ندى يابنتى الاحسن انك ماتجبيش سيره الموضوع دا تانى وخصوصا قدام ادم ... انا عملت اللى عليا وحذرتك .. ويتركها خلفه وهى فى دوامة من التفكير

= ياترا ايه اللى حصل انا متاكده انى سبب موت امه هو اللى خلاه بشكل دا ... ياترا ايه السبب ؟؟ وهى ماتت ازاى

ندى وقد شعرت بدوار من كثره الاسئله فقررت ان تذهب لتاخذ شور .. وبعد ان اخذت شور فتحت الدولاب لتتفاجاء بكميه البس الذى بداخله حيث انها وجدت كل انواع البس المحتشم وكان يوجد انواع لبس مخصصه لسهرات وانواع لبس مخصصه للمنزل والكثير من الانواع ... فارتدت بيجامه تشبه بجايم الاطفال ورفعت شعرها على شكل كعكه غير مرتبه .. حقا فكانت تشبه الملائكه

******* ******* ********

ادم لى للخادمه .... ندى هانم اخدت الدواء

لترد الخادمه بااحترام .... ايوه ياادم بيه وطلعت تاخد دش

= طيب حضرى الاكله المفضله لى نور عشان شويه وهاتيجى ... هاتتغدى معانا النهارده ... ااه ومتنسيش العصير المميز بتاعها ... واثناء حديثه تتدخل نور بحماس

= ادم ادم انت فين يااسطا

ادم .... هههههههههههه ادينى يامزعجه

فتحضنه بقوه وهى تقول .... انا زعلانه منك قوى ياادم

ادم بحنيه .... ليه ياعيون ادم

نور وهى تبتعد عنه وتمثل الانزعاج ..... كده تتجوز ومتقوليش

ادم بتبرير ... صدقينى كله حصل من غير ترتيب

نور ... وياترا مين العروسه اللى هتاخدك منى ؟؟؟

ادم باابتسامه .... اولا كده مافيش حد يقدر ياخدنى منك ... ثانيا العروسه هى ندى السكرتيره اللى شوفتيها فى الشركه !!!!

نور وهى تلف يديها حول عنقه وتقول بهمس ... جامده انا وبعرف اخمن من اول يوم شوفتكم فيه لاحظت حاجه غريبه بينكم

وكل هذا وندى تراهم وهى مشتعله من الغيره

نور وهى تبتعد عن ادم عندما رات ندى

= ندى ازيك انا نور مش فاكرانى ... ايه مالك واقفه عندك كده ليه .. لتضيف بحماس ... انا حابه اتعرف عليكى اكتر

ندى وهى تحاول ان تسيطر على دموعها لتقول بصوت مخنوق ... معلش بس انا تعبانه وحابه استريح اتعرفو انتو وتذهب الى غرفتها

ادم بااستغراب ... مالها ماكانت كويسه فى الصبح

نور وهى تغمزله ... لسه مش فاهم دى غيره يابابا افهم بقى ... اطلع بقى شوفها بس خلى بالك احسن القنبله تنفجر فيك هههههههه

&&&&&&& &&&&&& &&&&

ليدخل ادم غرفه ندى ويجدها تبكى

ادم بحنان .... مالك ياندى بتبكى ليه ؟؟!!

ندى بصوت عالى مخنوق ... يسلام فارق معاك قوى انى ابكى ولا اموت حتى

ادم بغضب .... تانى ياندى مش قولت بلاش تعلى صوتك عاليا

ندى بتعصيب ويعلو صوتها اكثر ..... انت ايه يااخى مش بتحس معندكش دم عايز منى ايه انا عملتلك ايه عشان تعمل معايا كده وتستغلنى بالطريقه دى .... اتجوزتنى غظب وكمان عايز تتحكم فيا وتتحكم فى كلامى انت ايه انت اكيد شيطان مش معقوله تكون انسان

ليزداد غضب ادم اكثر ويصفعها بشده لتسقط ندى على الارض من شدت الصفعه

ادم وعيونه تشتعل من الغضب ... انا لغايه دلوقتى وانا بعاملك كويس ... لكن من النهارده هاوريكى الشيطان اللى على حق من النهارده زيك زى الخادمه ... وانتى اللى هاتعملى كل شغل الخادمه انا حذرتك كتير انك تاخدى بالك من طريقتك معايا لكن انتى شكلك مش بتفهمى بالكلام

وتركها تتضع يديها مكان الض*به وذهب

ويخرج ادم بعصبيه

نور... ادم ايه اللى حصل ومالك متعصب كده ليه ؟؟؟

= مافيش يانور معلش مش حابب اتكلم مع حد

نور :- أخص عليك ياادم وانا حد برضو طيب اقعد انا حابه اقولك حاجه

ادم وهو يجلس .... ايه يانور ؟؟؟

= بص ياادم يمكن انت مش فاهم ليه ندى بتعمل كده بس انا بنت زيها وفاهمه هى ليه بتعمل كده ... ندى بتحبك بجنون وبتغير عليك جدا انا من اول يوم شوفتها وشوفت الغيره فى عيونها

ادم بحزن ..... بس يانور ندى مش بتبين انها بتحبنى وبتغير عليا ندى مش بتعمل حاجه غير انها تلومنى وبس ... دايما شايفانى وحش وشايفانى الشخص القاسى

نور بثقه .... صدقنى ندى بتحبك بس هى لسه مش فاهمه انى اللى هى بتحس بيه دا حب او يمكن فاهمه بس خايفه تعترف وخايفه تظهرلك حبها عشان كده بتلومك .... بص انا مازن قالى على كل حاجه وقالى انت اتجوزت ندى ليه وازاى ... انا مكنتش اعرف انى هى نفسها السكرتيره اللى شوفتها بس اتمنيت من قلبى انى تكون هى ... وبصراحه انا شايفه انى معاها حق انا لو مكانها كنت هاعمل اكتر من كده ... فى النهايه انت اللى اجبرتها انها تشوفك شخص مستغل ومعندكش رحمه ... انا عارفه انى انت هاتقولى غظب عنى ... بس كمان انت تقدر تصحح الغلط دا وتخليها تحبك واللى حصل دلوقتى اكبر دليل انى ندى مش بتكرهك ومش شايفاك وحش لانها بتحبك وبتغير عليك .... ادم ياريت ماتحسبش ندى على غلطه غلطها حد تانى

ادم باابتسامه ..... تعرفى يانور انك بتفكرينى بى

" ملك " كانت دايما بتقولى الناس اللى بيحبوك مالهمش ذنب انهم يتعاقبو على حاجه عملها فيك شخص بيكرهك ... بحسك شبها قوى عشان كده بحبك لانك بالنسبالى زيك زى ملك

(انتظروا البارت الجديد من روايه الحب الثانى )

وحابه اشوف رايكم فى تعليق 1- ياترا مين

" ملك " وايه علاقتها بى ادم

?تابعونى ?

❤ايناس ❤