Umahon na kami sa dagat at dumiretso sa presidential suite. Nagbihis lang kami at bumaba agad para kumain. Dumiretso kami sa isang mamahaling restaurant. Sinalubong naman kami ng waitress at itinuro ang bakanteng lamesa. Umupo kami at nagpasalamat.
"What do you want to eat?" tanong ni Jacob.
"Ikaw ang bahala. Kahit ano nalang," tugon ko bago tumayo. "Cr muna ako."
Tumango lang siya. Pagpasok ko sa CR ay medyo natagalan ako dahil sobrang dami ng tao at ang tagal pa bago sila matapos. Nang makaihi na ako ay naghugas ako ng kamay bago lumabas.
Pagbalik ko sa lamesa namin ay napanganga ako sa sobrang dami ng pagkain na animo'y may piyesta. Halos mapuno na ang lamesa sa sobrang dami ng inorder niya.
"May kasama ba tayo?" tanong ko pagkatapos umupo sa harap niya.
"Nothing, why?"
"Mukhan
