Naabutan ko si Boss na masama ang timpla ng mukha na nakasandal sa upuan. Nakatingin siya nang masama sa pagkain na animo'y may lason ito at nais niyang durugin at itapon. Napailing na lamang ako at inihanda ang pagkain.
Tahimik kaming kumakain at tanging tunog lamang ng kubyertos ang tanging lumilikha ng ingay.
Nasa plato ko lamang ako nakatingin sapagkat naiilang ako sa paraan ng pagtingin ni Boss sa akin. Simula nang magsimula kaming kumain ay nakatingin na siya sa akin. Hindi man lang siya umiiwas ng tingin tuwing nagkakasalubong ang mga mata namin. Sa halip, ako pa ang mas nahihiya sa kaniya.
Binilisan ko ang pagkain nang makaalis na ako at makabalik sa trabaho. Sunod-sunod ang naging pagsubo ko hanggang sa mabulunan ako. Agad kong inabot ang baso ng juice nang may umabot din nito
