"Ano bang hinahanap mo kanina?" Nakaupo ako sa couch, habang siya naman ay nakatayo at hawak ang cellphone niya na tila may tinetext.
"Lemon, saka jelly na walang flavor," Kunot ang noong nilingon niya ako bago tumango at nagtipa sa cellphone niya bago tila may tinawagan. I was playing with my fingers the whole time until Meast opened the main door. Pumasok doon ang pamilyar na lalaki dala ang ilang supot ng kung ano.
"Binulabog ko si Clover para lang papasukin ako sa mall nila, grabe naman kasi ganitong oras talaga Fifth?" mukhang antok pa ito kaya nahihiyang napatungo ako. Nakaabala pa ako ng isang tao, nakakahiya!
"I'll pay you double, 'wag ka nang magreklamo," masungit na sabi ni Meast at kinuha na ang mga supot.
"Talaga?! Kung sinabi mo ba naman agad, aba e! Baka lahat ng tindang
