KULAS
LUMAYAS ako sa amin.
Bakit? Talagang tinotoo ng tatay ko ang pakikipagbalikan nito sa aking nanay. At pag-uwi ko nga noong isang araw ay nandoon pa rin ito sa bahay. Ang sabi naman ng aking ama ay doon na raw titira ulit ang asawa nito.
Umahon ulit ang galit ko sa naging biglaang desisyon ng aking ama. Kaya mas minarapat ko na lamang na umalis kaysa makipagtalo rito. Baka kasi humantong pa sa pisikalan kung pipiliin kong mag-stay sa bahay.
Gano’n rin ang ginawa ng aking kapatid. Tumawag ito sa akin at sinabing doon makikitulog sa best friend niyang si Airah. Kilalang-kilala ko naman ang kaibigan niyang ‘yon at tiwala ako rito kaya hinayaan ko na muna si Athena. Ako naman ay nakitira kina Isko.
Dalawang araw na magmula nang mangyari ang insidenteng ‘yon at dalawang araw na ring
