"You're awake."
Napakurap si Louisa at natauhan nang marinig na nagsalita si Ace. Noon niya lang napansing nag-aayos na ito sa lamesa.
Pasimple niyang ipinilig ang ulo bago naglakad palapit sa lamesa. Natigilan siya nang makitang may mga pagkain nang nakahain doon.
"Ikaw ang nagluto ng mga 'to?" Nagtatakang tanong niya rito.
"Yeah. Sino pa ba?" Tugon nitong nagtungo sa counter top. Pagbalik ay may bitbit namang dalawang tasa ng umuusok na kape. "Let's eat."
Nahihiwagaang tinitigan ni Louisa si
Ace na naupo na silya nito.
"What?" Kunot ang noong bumaling ito sa kaniya nang manatili lang siyang nakatayo at nakatulala rito "Kain na. Gusto mo pa ba sandukan kita?"
"Anong nangyayari sa 'yo?" Hindi napigilang itanong ni Louisa nang makaupo siya. Bahagya siyang dumukwang at sinalat
