"BAKIT naman ako pupunta sa game mo?" Nagtataka pa ring tanong niya.
Hindi siya mahilig sa sports. Napipilitan lang manood si Louisa ng mga pa-liga ni Kapitana sa barrio nila dahil pagkatapos niyon ay may libreng tinapay at samalamig.
Tumaas ang sulok ng labi ni Ace. "Baka nakakalimutan mo, hindi mo pa naibabalik 'yong favor sa akin no’ng inalagaan kita."
Hindi pa rin talaga nagbabago ang lalaking 'to.
“Bakit kasalanan ko ba?” Pinag-krus niya ang mga braso sa dibdib. "Hindi mo sinabi diyan kung ano bang kabayaran ang gusto mo. Pinagluluto naman kita araw-araw at pinagbabaon ng sandwich, ah. Dapat nga sapat na 'yon!"
Winasiwas nito ang kamay saka tinuro ang ticket sa lamesa. "Pumunta ka bukas sa game namin. Absuwelto ka na."
Naniningkit ang mga matang nakatingin sa binata na dina
