PAG-UWI sa mansion naabutan ni Louisa at Ace sina Andrei, Yohan at Cayla sa living area. Pagkakita ng dalawang bata na may dala silang Pizza kaagad na tumakbo ang mga ito pasunod kay Ace sa dining area.
Kunot ang noong napalingon si Louisa kay Andrei nang manatili lang itong nakaupo sa couch. Nakasandal ang ulo nito sa headrest ng sofa habang mariin nakapikit.
Nilapitan niya ito at tinabihan. "Okay ka lang ba?"
Dinilat nito ang isang mata at pinilit na ngumiti. "I'm fine."
Fine? Pero namumula ang pisngi nito.
Umangat ang kamay ni Louisa at hinipo ang noo ni Andrei. Umawang ang labi niya nang maramdamang, mainit ang temperatura nito.
"Mainit ka!"
"Okay lang ako. Siguro sa panahon lang ito." Pinilit nitong bumangon pero natigilan rin at napahawak sa noo.
"Okay? Tingnan mo nga nah
