"How are you feeling? Okay ka na ba talaga? May masakit pa ba sa 'yo?" Sunod-sunod na tanong ni Andrei.
Tatlong araw na ang nakalipas mula noong magka-lagnat si Louisa. At kasalukuyang nandito sila ni Andrei sa condo ni Ace. Halos araw-araw pagkatapos ng meetings at tapings ay dinadaanan siya ng binata. Palagi itong may dalang prutas at pagkain.
Mabilis naman ang naging recovery ni Louisa kahit hindi siya nagpatingin sa doctor. Bukas nga ay balak na niyang pumasok sa eskwela at part time. Ang totoo niyan, ayaw talaga niyang lumiban sa klase kundi lang makulit ang magkapatid.
Join forced pa siyang sinisermonan ng dalawa kapag gumagawa siya sa condo. Inalagaan talaga siya ng mga ito. Kahit si Ace. Nitong mga nakaraang araw— ito ang nagliligpit ng pinagkainan nila.
Ang iniisip lang ni
